STRAIGHT TO THE POINT

*STP AUGUST 21,2017 JHUN S. ESTANIO*
*HEADLINERS:*
1.MAG-UUMA PATAY HUMAN GISUMBAG SA KALABAN SA BRGY.SAN JOSE.
2.48-ANYOS GIPUSIL PATAY SULOD SA IYANG BALAY SA PUROK-5 BRGY. LABANGAL.
3.DUHA KA TRABAHANTE SA KCC MALL,PATAY HUMAN NABANGGA-AN ANG GISAKYANG MOTOSIKLO SA DUMP TRUCK NGA GIPANAG-IYAN SA SYUDAD.
4.KAGAWAD GACAL,NA-ALARMA SA SUNOD-SUNOD NGA PAGPAMUSIL NGA NATALA SA GENSAN.
5.TAG-IYA SA USA KA LODGING HOUSE SA GENSAN, GISIKOP HUMAN NA-NGUMOT UG SAMPOT SA USA KA PROMO GIRL.
……………………………………………………………………………
*ISSUE:*
SUNOD-SUNOD NGA PAGPAMUSIL PATAY SA GENERAL SANTOS CITY,UNSAY GIHIMONG LAKANG SA GENSAN CITY POLICE OFFICE?
……………………………………………………
Sama sa kaulohan diin sunod-sunod ang insedente sa pagpamusil, diri sa General Santos niadtong milabayng huebes tulo ka mga tawo ang dungan nga gipangpusil sa wala mailang mga kreminal. Sa usa ka semana lang nga milabay gikan Agosto 14 hangtud sa Agosto 20 lima ka mga kaso sa pagpa- musil ang nahitabo sa lain-laing lugar sa syudad. Kining maong panghitabo nakahatag ug ka-alarma sa mga katawhan tungod kay sa nahisgutang mga insedente walay nadakpan ug natural sa hukmanan aron ma-angkon ang hustisya ug kaangayan alang sa mga gipangpusil ug sa ilang mga pamilya.
Agosto 17 patay ang usa ka 17-anyos human gipusil sa Purok-Bayanihan sa Barangay Calumpang ning syudad ang mga suspect nailhan hinoon apan na kasibat ug hangtud karon wala madakpi sa Tambler Police Station,Agosto 18 alas 8:00 pasado sa gabii patay ang usa ka Christine Dadulo,samtang critical si Dina Rose Dadulo, managsuon taga Barangay San Isidro mga masahista sa Aliwalas massage parlor sa Pioneer Avenue ang mga suspetsado riding in tandem wala gihapon madakpi sa mga personahi sa Police Station-1, pagka alas 11:00 kapin kon kulang samang adlaw patay ang usa ka Warren Franco Barangay Conel human gipusil ang suspect wala mailhi hangtud karon wala gihapon madakpi sa mga elemento sa San Isidro Police Station , Agosto 19 atong sabado alas 6:15 sa sayong gabii, gipusil patay ang usa ka Zaldy Macmod Timbaga, taga Purok 5 Blaan Community sa Barangay Labangal Gensan ang suspetsado wala gihapon maila, wala madakpi sa kapulisan sa Makar PNP kini nga talaan sa shooting incident last week lang ni, wala pay labut ang kamatay niadtong milabayng mga semana diin gipatay tong driver sa sikad,tricycle, habal-habal driver nga hangtud karon walay matumbok nga responsabli naa pa gani tong gapangpusil nga nagasakay ug auto apil patong ex-police Highway patrol group PNP Officer nga gipusil sa Apopong Highway maayo nalang kay wala maigo, kini nga mga insedente naka hatag ug alarma kay walay nadakpan nga mga suspetsado.
Si City Councilor Franklin Gacal Jr, mipahayag nga maka-alarma ang sunod- sunod nga pagpamusil sa Gensan, sa iyang talaan unom ka mga natalang shooting incident ning bag-o lang nga walay klarong motibo ug natumbok nga suspetsado angayan kining imbestigahan sa kapulisan kay nakahatag kini ug kahadlok sa mga residente ning syudad.
Gipaningkamotan nato nga mahinabi si Gensan City Police Office OIC City Police Director Romeo Ruel Berango pinaagi sa pagtawag ug text apan dili man seguro intresado nga mo tubag si Berango sa atong tawag, anyway iya ng katungod nga dili mo tingog kay basin wala siyay paki-alam o kaha busy lang siya kay daghan man problima sa syudad labina aning kamatay nga na- hitabo ato ng ginarespito apan dili ta niya mabasol kon may negatibong mga reaction batok sa police kay iyang gibaliwala ang atong pagpatubag sa side sa Police, dili raba nimo mabasol ang tawo nga ning Extra Judicial Killing nga nahitabo sa GenSan mga pagpamatay nga walay kasulbaran, walay nadakop magduda ang tawo nga basin Police ang ana-a sa likod niini?
Si Atty.Psyche Fontanilla Mamadra, nasubo nga nahitabo ang pagpamusil sa GenSan nga walay nadakpan, bisan sa tibuok nasud nahitabo ang pagpatay nga nagpakita nga ang Police dili na protector sa katawhan ug nakalimot na sa balaud, daw sa nasayang ang ilang pag training, dapat subli nga ipahi- numdum sa Police ang doktrina nga police sila ug dili killer.
Nabalaka usab ang progresibong grupo sa walay hustisya nga pagpamatay sa GenSan ug bisan pa sa tibuok nasud,gitawag ni Bayan Muna Socsargen Secretary General Ryan Lariba nga impunity o walay pagpanubag nga pang goberno ang kasamtangang namunu-an tungod kay nag promote sa patay dapat dili mo tugot ang katawhan nga mahitabo ang walay pag respito sa balaud ug tataw nga na wala ang due process of law kay bisan wala pa napa matud-an basta nalang tirahon ang gidudahan nga nalambigit sa iligal nga droga kong diin kasagaran mga gagmayng addict ug pusher ang gipamatay apan ang drug Lord pabiling buhi.
Lakip ang Religious Sector nabalaka sa mga pagpamusil nga nahitabo sa GenSan karong panahona sumala pa ni Pastor Fabie Obillo sa Liberty Baptist Church nga kinahanglan nga ma-imbestigahan ang panghitabo aron may ma nubag sa kremin. Giangkon ni Pastor Obillo nga kon ang pagpusil sa suspect pinaagi sa legitimate Police Operation ug misukol ang suspetsado tama lang nga pusilon aron ma depensahan sa Police ang iyang kaugalingon, pero kon Extra Judicial Killing kinahanglan manubag ang si bisan kinsa. Maka-alarma kon pabiling may shooting incident apan dili madakpan ang responsabli kay dili malikayan nga pagdudahan nga may kalabutan ang kapulisan kay gina-tolerate kumbaga, gitambagan ni Pastor Obillo ang mga kreminal nga dili ma lalis nga nasulat sa bibliya ang kasugo-an sa Dios nga gidili ang pagpatay.
Sa akong panglantaw mga kasama, tama man ang kampanya batok droga ka yang buotan nga tawo mahimong buang aning maong matang sa bisyo apan kon ibasi nato sa Balaud ug Bibliya sayup man gyud ang pagpatay nga walay due Process o pagdungog sa akusado, maskin na gani si Ginoong Jesus sa iyang kapanahonan pwede siyang patyon sa mga sundalo didto sa tanaman sa Gethsemane sa Jerusalem, apan wala kana buhata kay gihimo pa ang paghusay kumbaga hearing, gipa-atubang pa siya ni Herudes,kang Poncio Pilato ug sa mga tawo kadtong gihukman siya ug gipapili ang kadag- hanan kon kinsa ang buhi-an si Jesus o si Barabas. Kining pagpusil kay ang mga gipangpatay nalambigit sa droga, dawbi kon i-charge ka sa drug kay naa kay police nga nakontra og gi-personal ka? Sama sa gi-ingon ni Pastor Fabie nga basin kon ma-alaan ka? Look alike nimo ang suspetsado ikaw ang na target, dili nako mohatag ug taas nga komentaryo kay sa pagkakaron daghan ang gusto nga pamatyon ning mga nalambigit sa druga kini basi sa migawas nga survey nga halos 80-porsento uyon o pabor sa war against illegal drug, kon mo angal ka karon kon mo supak ka ingnun paka nga adik ka?
Pero ang akong basihan ang balaud ug Bibliya nga kremin o sala ang pagpatay diha ra ang akong barometro ug ang akong panghinaut nga unta walay inosente nga mapatay, walay ma-ala-an kay ka look-alike sa target,walay pabor-pabor, walay planted,walay mo-abuso sa ilang gahum ug matuman ang saad ni Pangulong Rodrigo Duterte, nga ma-ihaw ning mga sindikatong Police ug labaw sa tanan milapas naman ang tulo ka bulan,unom ka bulan ug karon tibuok termino naman niya nga matuldokan ang problima sa droga sa tibuok nasud. Ug diri sa atong syudad sa GenSan ,tuna capital manta dili unta ma-usab nga basin ma City of Impunity ta,aghat nato ni Col. Romeo Ruel Berango, tumana imong mga saad sir nga imong sulosyonan ang tanang matang sa kreminalidad labina ning patay,ayaw pa tulog-tulog sa pansitan, sa sinugdanan raman ka aktibo karon murag gikapoy naman ka bisan pag reply sa text ug tawag dili man ka makahimo? Maayong laki man kaha ka nga Opisyal kay ikaw gud gipili ni General Cedrick Train, bisan wala ka na gustohi ni Mayor Ronnel Rivera, ipakita nga angayan ka sa GenSan pi-naagi sa pag sulbad aning kamatay ug kay Mayor Ronnel Rivera sir, unsay imong lakang aning sunod-sunod nga pinusilay sa imong syudad, nabalaka na ang halos tanang sector aning patay, sulod pa sa restaurant kadtong nag kaon nga tricycle driver gipusil duol sa Pendaton PNP, katong managsuon na babaye sa Aliwalas Massage Parlor, bisan sulod ka sa imong balay pusilon ka grabi ka aresgado ang mga kreminal, naka heightened alert man unta kay ubos ta sa martial law hangtud December 31, unya ang pangutana nganong maka dala-dala man gihapon ug armas ning mga grupo kining riding in tandem nga yano kaayong makapapusil dili pa gyud madakpan, adios dili ba kaha may kasayuran ang Police ani? Nganong nakalusot o gipalusot?