Laing sunod-sunod nga pagpamusil natala sa General Santos City kon diin duha ka mga masyador sa bulangan ang biktima patay sa may Barangay Mabuhay, matud pa nga unang gipusil ang biktimang si Ryan Navasa Valdievieso alas 8:00 sa gabii ug alas 8:50 sa gabii sa susamang adlaw gipusil patay usab si Eduardo Heramil,nga pulos taga Barangay Mabuhay. Ang mga suspect naka maskara ug susama ang pattern sa pipika ka shooting incident nga natala sa Area of Responsibility saStation 4 nga naka basi sa Barangay San Isidro nga sudlon ang balay sa mga biktimang target nga likidahon, sagad sa mga biktima sa pagpamusil patay involve matud pa sa iligal nga droga.
Tungod niini mibati ug kabalaka ang pipila ka mga residente ug opisyal sa sunod-sunod nga kamatay nga natala dili lamang sa SOCSARGEN kon dili sa tibuok nasud , usa na niini si South Cotabato Governor Daisy Fuentes nga bag-o lang mipagawas ug apilasyon sa otoridad nga dili lamang unta patyon gilayon ang mga gi-aligahang suspect sa illegal drug trade sa iyang probensiya. Segun sa Gobernadora maka-alarma nga diretsong pusilon sa kapulisan ang suspetsado sa ilang pagahimoon nga drug raid kay may due process o balaud nga naghatag ug tiyansa alang sa gi-akusahan nga makapanubag atubangan sa hukmanan. Kung pakusgon man sa PDEA ug PNP ang kampanya batok iligal nga droga sa iyang probensiya labina ang high-value Target o dagkong isda sa kalakaran sa illegal drugs likayan unta nga may mamatay. Gitataw ni Governor Fuentes nga dili man mapugngan ang kapulisan sa campaign against illegal drug sama sa pag raid sa balay ni Tampakan Mayor Leonardo Escobillo nga gi-akusahang nalambigit sa iligal nga operasyon sa droga, apila nalang sa gobernador nga buhi-on ug kasohan lang ang mga target sa tanang ilunsad nga operasyon .
Subay sa panawagan ni Governor Daisy Fuentes, mipahayag ug reaction ang PDEA Region-12 Regional Director Gil Castro nga makalaum ang Gobernador nga ilang i-respito ang hangyo, dugang ni Castro nga nagtu-o ang PDEA nga dili pwede nga patyon gilayon ang mga akusado labina nga ang Department of Health mipadayag nga ang drug addiction usa ka sakit nga angayang tambalan.
kagahapon mibisita si PNP Chief Dir. General Ronald Dela Rosa sa Police Regional Office-12 mipadayag nga walay mando si Presidente Rodrigo Duterte nga patyon ang mga suspect sa drug operation, gibarugan ni Bato nga pro life ang Police ug kon adunay mamatay sa drug raid kini tungod kay gi-depensahan lamang sa Pulis ang iyang kaugalingon gikan sa mga armado ug misukol nga mga pagadakpon.Ang problima kay may migawas nga isyo nga nakita pa gyud sa mga CCTV nga nag pakiluoy na ang suspect,kadtong mga minors na gipangpatay sa Police sa Caloocan dili ma laksi ang pagduda nga tinuyo ang pagpatay ug daghan pang reklamo nga ga pang planted ang Police mao ni ang dapat hinlo-an ni Bato kay nakahatag kini ug buling sa hanay sa PNP isip mga law enforcers , tigprotektar sa kinabuhi sa tanan. Mag dependi sa Sitwasyon ang pagbuhi sa mga suspetsado sa drug raid nga gihimo sa kapulisan, sumala pa sa mga station Commanders nga sila si Chief Inspector Hoover Antonio ug Chief Inspector Ruelito Lumigid, sumala pa sa duha nga may gi- patuman nga Rules of engagement ug Police Operational Procedure apan nga gina- sunod ang PNP sumala sa duha ka nahisgutang opisyal.
Gitataw ni Mayor Ronnel Rivera nga iyang standing Order sa kapulisan sa syudad nga ipatuman ang balaud sa pag lunsad drug operation, dugang sa Mayor nga may standard operating procedure busa angayan nga sundon kini nga paagi sa PNP busa nagdahum kini nga walay mahitabong pagpatay nga wala mahisubay sa mandate sa kapulisan sumala ni Mayor Ronnel Rivera. Ang pangutana Mayor grabi man ang patay? Kumusta man ang imong statement dati nga imo ng gipa-imbestigahan ang sunod-sunod nga shooting incident sa GenSan pero namingaw man gani hangtud karon wala paman gani nadakpan kadtong gi-ingon ni Col. Romeo Ruel Berango nga person of interest sa pagpusil patay ni PO3 Clark Bachoco intel Officer sa PS-5.
Sa mga pagpatay nga nahitabo ning syudad mipadayag ug reaction ang kabanay sa mga napatay sumala pa ni Mrs.Jenifer Panes, asawa sa gipusil patay nga tricycle driver nga si Jake Panes gabii sa September 4, nga ang Oplan Tokhang sa PNP ang iyang gitu-ohang ana-a sa likod sa pagpatay sa iyang bana, dismayado lamang ang biyuda kay walay record ang iyang bana apan nahibulong kini na gipatay,kung may patyon man kadtong puno-an sa sindikato dili kay ang ultimo lamang tawo ug nag pataka na lamang ug tira tungod sa pagpatuman sa Oplan Tokhang, nawad-an usab si Mrs.Panes nga mahatagan ug hustisya ang kamatayon sa bana.
Sa atong gi-mention na sa pagtumaw aning sunod-sunod nga pagpang tumba sa suspected drug personalities nga posibling tinuod ang liquidation squad,vigilantes nga matud pa Police o mga Police Character bata-bata sa Police kay sa mga pulong sa atong Presidente dili man seguro bugok ang publiko nga dili makasabut sa mga pamahayag sa Pangulo, its very obvious nga state sponsored kining mga pagpatay kay human milingkod si Digong, sugod dayon ang pagdanak sa dugo July 1, 2016 pa lamang, bisan dili angkunon sa Goberno labina sa PNP nga may kalabutan sila sa mga pagpatay apan masabtan kaayo kay naka pattern ang mga pagpatay riding in tandem naka maskara o kaha naka helmet kasagaran ang hitman. Gawas sa linibo nga nangamatay sa Under Investigation cases, linibo na usab ang nangamatay sa gina claim sa PNP nga legitimate Police Operation, sa GenSan may 96- ka insidente na ang natala gikan Enero hangtud September, sa tibuok Pilipinas adunay gibana-banang death toll o namatay nga 13-mil na ka mga tawo gikan sa July 1,2017 to August 22,2017 apan segun sa record sa Department of Justice DOJ nga gi-ulohan ug Inventory of Murder and Homicide Cases nakita nga sa 13-thousand estimated death toll adunay 71- complaints lamang ang nadawat sa buhatan, 35-ka kaso ang na dismissed sa Prosecution, 17-ang naghuwat pag resolution ang 19- gidungog pa sa korte.
Tinuod nga may rules of engagement ang PNP which is SOP sa himoong operation, according sa ROE, sumala sa JTF Series No.1 on December 2,1992 gi- define ang ROE, letter A.YOU HAVE THE RIGHT TO USE FORCE TO DEFEND YOUR SELF AGAINST ATTACKS OR THREATS OF ATTACK. LETTER D. YOU MAY NOT SEIZE THE PROPERTY OF OTHERS TO ACCOMPLISH YOUR MISSION,LETTER F. DETENTION OF CIVILIANS IS AUTHORIZED FOR SECURITY REASONS OF SELF DEFENSE, Apan GITATAW GYUD SA NAHISGUTANG ROE ORDER,NUMBER 2. TREAT ALL PERSONS WITH DIGNITY AND RESPECT, TATAW NI SA INTERNATIONAL RULES OF ENGAGEMENT O ROE ang mga gabayan, ambot kong gipatuman ba kini sa atong kapulisan nga dapat i-tratar ang tawo nga may dignidad ug respito? Hinoon in-fairness sa kapulisan sa GenSan ug sa Socsargen wala kaayo nadunggan nato nga pagpangabuso sa gihimong raid, dili usab taas ang insidente nga may namatay during raid, gawas aning Extra Judicial Killing sa riding in tandem nga natala kon diin sa 96-ka mga shooting incidents kasagaran ang victims involved sa iligal nga droga, subli natong ipahinumdum nga may due process of Law alang sa tanan, dili unta limtan sa kapulisan ang ilang mandate is to serve and protect, labina ang pagprotektar sa kinabuhi ug propedad dili ang mopatay, si General Bato na mismo ang namahayag nga Pro-life ang Philippine National Police dapat i-value gyud ang kinabuhi sa tawo kay ang Ginoo lang ang may katungod nga mo kuha sa atong hi- nulamang kinabuhi, pwede man segurong pahugtan ang kampanya sa illegal drugs nga walay mamatay naa may kwarta ang goberno para dakpon ug kasuhan ang mga nakasala i-rehab basin ug mausab, apan kon tinuod nga mosukol angayan lang nga unhan sab sa police isip self-defense pero akong gipasabut dinhi is kanang tuyo-on gyud ug patay during raid ug labaw sa tanan kining pagpatay nga gihimo sa riding in tandem nga gituohang EJK.
