Gihangyo karon sa Armed Forces of the Philippines AFP ang laing Martial Law Ex- tension sa pulo sa Mindanao. Kini ang gipadayag ni AFP Spokesma Major General Restituto Padilla atol sa Mindanao Hour sa Malacañang bag-ohay lang gi-rason ni Padilla nga tungod sa paningkamot sa militar nga mabalik ang normal nga kalinaw sa Mindanao labina sa dakbayan sa Marawi ug tungod kay may nahibilin pang mga grupong hulga sa hingpit nga kalinaw sa Mindanao kinahanglang lugwayan pa ang deklarasyon sa balaud militar sumala ni General Padilla. Gibarugan sa AFP nga may Local terrorist groups nga mikuyanap sa lain-laing lugar sa Mindanao busa Martial Law lamang ang tubag niini apan gi-klaro usab ni Padilla nga sa panahon nga mo- abot na ang deadline sa Extension sa Martial Law karong December 31,2017 ug ma kita sa kasundalohan nga wala nay hulga sa kasamok ang pulo sa Mindanao ilang i- rekomendar usab ang hingpit nang pagwagtang sa Martial Law.
Gi-respito ni Pangulong Rodrigo Duterte ang rekomendasyon sa Armed Forces of the Philippines nga sa ikaduhang higayon lugwayan ang Martial Law sa Mindanao si Presidente Duterte man gihapon ang maka desisyon kong i-extend o dili ang Martial Law taliwala nga aprobahan kini sa Kongreso. Gikumsiderar sa Malacañang ang na- himong rekomendasyon sa militar gumikan kay kini ang nakahibalo sa tinuod nga sitwasyon sa field labina nga ana-a pay mga pagpang harass sa pipila ka bahin sa Mindanao nga hinimo-an sa lain-laing grupo sama sa mga bandidong Abu Sayyaf, Bangsamoro Islamic Freedom Fighters ug ubang armadong extrimists nga kaalyado sa ISIS naa pay NPA nga grabi sab ang pagdasa.
Sa nahisgutang hisgutanan mipalag si Senate Minority Leader Franklin Drilon kini tungod kay kinahanglang pormal nga hangyo-on sa Armed Forces of the Philippines sa Kongreso ug magsumite ug proposal sa planong subli nga i-extend ang Martial Law sa tibuok Mindanao. Dapat usab nga i-presentar sa AFP ang ilang rason kong nganong lugwayan sa ikaduhang higayon ang batas militar sa Mindanao,Gibarugan ni Drilon nga dapat 60-lang ka adlaw ang Martial Law kong basihan ang Saligang batas .Pero nalugwayan kini ug lima ka bulan busa dili na maki-angayon ang laing lugway busa kinahanglang may valid nga rason o ebedensiya ang rekomendasyon sa armadong kusog sa Pilipinas ug kini ang angayang busisihin utingkayon sa mga magbabalaud sumala sa minoriya.
May mga nisupak apan mas daghan ang uyon sa laing extension sa Martial Law kon basihan ang mga nahinabi sa RMN GenSan sama ni Mayor Ronnel Rivera nga mas safe hinoon kong Martial Law kay naka heightened alert ang Sundalo ug Police. Si Atty.Dodong Tagaloguin mipahayag usab nga kong girekomendar sa AFP ang laing Martial Law Extension angayan lang nga kini aprobahan ka yang militar maoy naka hibalo sa tinuod nga estado sa kahusay ug kalinaw. Si Prof. Richard Pernia sa MSU okey lang man ang Martial law nga gipatuman karon kay hayahay lang man maka shopping kapa gihapon. Ang purok Chairman usab sa Barangay ning syudad uyon nga may Martial Law Extension kay wala may kabag-ohan karong panahona. Ang militanteng grupo lang ang supak kay matud pa sa Bayan Muna Mindanao SecGen si Mr.Ryan Lariba namahayag nga daghang pagpangabuso ang nahitabo karon ug kining deklarasyon sa Martial Law plano daw ni ni Presidente Duterte aron magpa- dayon ang paghupot sa gahuma, ambot kaha sa yanong katawhan kong maayo ba o dili ang subling extension sa Martial Law atong suta-on ang mga reaction karon.
Para naku dapat dili na lugwayan ang Martial Law kay kon ibasi nato sa batakang Balaud klaro man nga 60-ka adlaw lamang ang balaud Militar kong madumduman ang rason nganong na extend ang martial law niadtong July 22 ug nahimong pito ka buwan nga matapos karong December 31,2017 kini tungod kay kamulo pa ang bakbakan sa Marawi City unya kay gideklarar naman ni Presidente Duterte nga na himo nang gawasnon ang Marawi gikan sa mga kamot sa teroristang grupo? Ngano nga i-extend naman usab nga pito ka bulan na ang deklarasyon sa Martial Law ang ako dinhi nga dapat mabalik na ang normal nga kinabuhi natong Mindanaoan dili ikalimod nga apektado ang atong turismo,ekonomiya kay sa tinuod dili mo lagak ang mga dagkong investor kong gubot ang usa ka lugar?
Remember nga kong ang Abu sayyaf maka kidnap ug turista diba may mga travel advisory dayon ang mga lain-laing kanasuran nga did-an ang ilang katawhan nga mo-anhi sa Mindanao unya kay Basilan ug Tawi-Tawi raman ang teritoryo sa Abu sayyaf pero ang advisory diba tibuok Mindanao? Mas labaw na nga kahadlokan sa mga langyaw investor man o mga turista nga mo-anhi sa Mindanao knowing nga under Martial law kita? Usa sa epekto sa Martial Law katong Sarbay Festival napurnada kay Martial Law kami sa RMN kadaghan sa among promo nga naka schedule na apan na postponed tungod sa Martial law declaration. Lain pa bag-ohay lang diri sa GenSan kadtong gidagit sa Police nga 19-anyos nga lalaki hangtud karon wala pa-igkita maong midangop na ang amahan sa City Council aron matabangan nga mapalutaw ang iyang anak unya kay Martial Law man suspendido ang Writ of Habeas Corpus demodo dili maka-adto sa korte ang ginikanan kay suspendido man ang Writ of Habeas Corpus kini nga mga rason kong nganong dili na angayan pang i-extend ang Martial law.
Kung naay hulga nga mokalat ang mga armed group trabaho nana sa PNP ug Army gi-sweldohan sila diha aron nga mahatagan kitag seguridad ma proteksiyonan kita gikan sa hulga. Humana man ang ilang rason gubot ang Marawi ug aron dili mokanat ang terorista gideklarar ang Martial Law okey kay na aprobahan man sa kongreso demodo legal. Apan ang gi- ingon sa AFP nga mahimong normal ang seguridad kong ubos sa Martial Law, dili na tinuod kay may epekto gyud ang Martial Law bisan unsaon. Dili diay kaya sa Army ug Police ang seguridad kong normal lang ug walay Martial law, asa man diay ang ilang intelligence Network pagkadako sa ilang Intelligence fund and Budget nga 130.6 Billion budget karong tuiga unya Modernization program ang may pundo nga 23-bilion US Dollars 0.9 percent sa atong Growth Domestic Product ang pundo sa AFP modernization program unya dili nila kaya magtrabaho nga walay Martial law? Ang PNP 88.513 Billion Pesos Budget karong tuiga asa man lugar ni mopa ingon nga dili sila makatrabaho kong walay ML balaud Militar mo ingon sila walay pagpangabuso kadtong mga sundalo ang gipang- kawat ang mga appliances, kwarta ug alahas sa residente sa Marawi, kadtong upat ka sundalo nga namusil ug civilian sa Polomolok kadtong sundalo nga namusil diha sa Alabel sulod sa Videokehan, kadtong sundalo upat ka buok nga nadakpan sa gi- himong buybust operation sa PDEA-11 sa Davao sundalo Pusher’ng dako,diha ka Police nga nangdagit ug 19-anyos ambot buhi paba kaha tong batan-ona to?
Dapat balik nata sa normal nga panginabuhi sama sa nasinati sa Visayas ug Luzon nga walay Martial law unsa gyud ning Mindanao Gubot kaayo nga kinahanglan gyud ang deklarasyon sa Martial law ngano walay gubot sa Luzon ug Visayas nga bibo man sab ganing patay didto. Hinoon kong ingkaso ma-probahan gyud sa Kongreso ang another Martial law Extension pinasikad sa balaud na wala natay mahimo gawas sa pagsunod sa mga reglamento kay tinuod man nga ang militar maoy labaw sa tanan nahibalo sa sitwasyon pero dapat with evidence ilang pamatud-an nga kinahanglan gyud mas labing maayo nga dili lang magbabalaud ang magdesisyon mas labing ma ayo kong maghimo silag konsultasyon sa katawhan kay dili ikalilong nga nag mga civilian labina sa kabanikanhan o ma syudad man ug hilit nga lugar ilang makuha ang sentimento kong uyon ba o dili sa laing hugna sa Martial Law.
