Gituohang matapos na ang kapin upat ka bulan nga giyera sa Marawi City human napatay ang gi-ilang lider sa Maute-Isis terrorist group nga sila si Isnilon Hapilon ug Omar Maute kagahapon sa kadlawon sa panag-ingkwentro sa teroristang grupo ug tropa sa goberno. Sa report ni Armed forces of the Philippines Chief of Staff Gen. Eduardo Año lakip sila si Isnilon ug Omar sa pito ka mga teroristang namatay sa sayong binakbakay sa dakbayan sa Marawi kagahapon sa kadlawon kung diin na- rescue usab ang 17-ka mga bihag sa Maute-Isis.
Sumala pa ni General Año nga tumong sa tropa nga i-rescue lang ang hostages sa terorista nga na korner sa usa ka block sa duha ka building apan misukol ang grupo ni Hapilon ug Maute hinundan nga nahitabo ang grabing binakbakay nga mi-resulta sa kamayaon sa duha ka terrorist leaders diin na recover mismo sa militar ang mga patayng lawas niini. Gitawag ni Año nga nga final stand ang nahisgutang giyera ug posibling matuldokan na ang komplikto sa Marawi City nga unang mitumaw niadto lang Mayo 23,2017. Apan gitataw sa AFP chief of Staff nga dili pa gihapon totally wipe Out sa kasamtangan ang operasyon sa militar taliwala sa pagkamatay sa 2- ka dagkong leader gumikan kay may mga gigukod pa gihapong mga kauban ug membro nga gibana-banang 40 ka Maute-Isis sa ubang Barangay sa Marawi.
Pero kining 40- nga nagtago-tago karon piang nani sila kumbaga wala ng pakpak para maka lipad kay si Isnilon ug Omar ang mga ginoo ning mga tawhana kong wala na ang ilang pangulo natural mawad-an ug utok, ug kusog ang mga membro kay si Isnilon Hapilon mao ni siya ang lider sa Abu Sayyaf ug ang Emir sa Islamic State ISIS of Southeast Asia may 10-million dollar reward sa ulo America, 10-milyon pesos sab sa Pilipinas, samtang si Omar Maute adunay patong sa ulo sa Pilipinas nga 5-million pesos.
Samtang gikumpermar ni Department of National Defense (DND) Secretary Delfin Lorenzana ang pagkamatay nila ni Omar Maute ug Isnilon Hapilon gikan mismo sa ground Commanders sa Marawi City atol sa gilunsad nga Daesh-Maute stronghold kagahapon sa kadlawon nga mi-resulta sa pagkapatay sa duha ka mga terrorist leaders nga kasamtangang gipa-ilawum karon sa Forensic Examination o DNA Test Gikalipay usab ni Lorenzana ang taho nga malampusong na-rescue ang 17-ka mga civilian nga nabihag sa Maute-Isis. Nasayran nga mismong sila si AFP Chief of Staff Gen. Eduardo Año ug DND Secretary Delfin Lorenzana ang mibisita kagahapon sa lugar human nasayran nga napatay ang duha ka leader sa teroristang grupo. Gipasalig ni Secretary Lorenzana nga human unya nga hingpit nga ma cleared ang Marawi ilang sunod ang madali-ang rebuilding ug rehabilitasyon sa dakbayan basi hugot nga mando ni Presidente Rodrigo Duterte.
Sumala sa datos sa AFP gikan Mayo 23, mikabat sa 813- teroristang namatay,162- sa tropa sa goberno ug 47-ka civilians ang namatay kon i-suma total 1,022 ang nangamatay sa kasamtangan human ,mitumaw ang bakbakan sa Marawi, dugay- dugay ang giyera kay gawas nga may mga hostages di basta-basta ang membro sa Maute kay may import gikan sa Malaysia,Indonesia,Middle East ug Singapore nga gi tuohang membro sa ISIS.
Todo dayeg ang Malacañang sa pagkamatay nila ni Omar Maute ug Isnilon hapilon ang gi-ilang lider sa Maute-ISIS matud pa ni PCOO Communications Secretary Martin Andanar Bravo Zulu to the AFP. Ang pagkapukan sa Maute-Isis nag simbolo nga naningkamot ang Duterte Administration nga mabatukan ang terorismo aron matuman ang saad nga kahusay, kalinaw ug kalambuan sa Mindanao bisan paman sa grabing kritiko aron dauton ang administrasyon. Nagtu-o ang kalihim nga human sa kaguliyang sa Marawi makabarog kini ug usab ubos sa bag-ong komunidad nga may paglaum ug tinuoray nga kalambuan alang sa mosunod nga henerasyon.
Tungod sa kamatayon sa lider sa Maute-isis nasinati karon sa mga residente sa Marawi ang katapusan sa giyera, apan sumala pa ni Provincial Crisis Management Committee Spokesman ARMM Assemblyman Zia Alonto Adiong, posibling mo-abot pa sa sunod tuig ang pagkolekta sa mga nag pasad nga patayng lawas sa main Battle area sa Marawi City. Nagplano ang goberno lokal nga mag preserba ug usa ka building nga naguba sa giyera aron magsilbing pahinumdum sa sakit nga kasi- natian sa kasaysayan sa syudad tungod sa nahitabong giyera. Plano usab nga mag pabarog ug Peace Park duol sa Lake Lanao nga butangan ug mga pangalan sa mga sundalo ug civilian nga nangamatay sa giyera. Gawas sa kapin usa ka libo nga mga nangamatay gibana-banang bilyon ang damyos sa istraktura, balay lakip na ang kapin 50-ka Mosque nga nangaguba tungod sa giyera ug pagpamomba.
Kudos sa tropa sa military labina sa mga bayaning sundalo, police ug civilian nga nag buhis ug kinabuhi aron mapulpog ang mga teroristang grupo, subo man nga palandungon nga nikalas ug linibong kinabuhi ang giyera sa Marawi, apan dili ma- likayan nga adunay mamatay mahimong collateral damage aron mapulbos ning mga kampon ni Satanas. Dili ikalimod nga iba talaga ang Marawi City kumbara sa ubang syudad sa Mindanao, kaniadto pa rated na kining nahisgutang syudad sa nagka lain-laing matang sa iligal nga kalihukan, droga,kidnap for ransom,carnap ug tagu-anan sa mga kreminal tungod kay ang mga residente walay paki-alam sa ilang lugar, ang pagka gon-ob sa Marawi mag silbi untang bahad dili lang sa nahisgutang syudad lakip sa ubang lugar ug bisan dinhi sa General Santos City, nga dapat ang matag usa magpakabana labina sa hisgutanan sa kreminalidad kay bisan ang mga lugar nga dugay ng ana-a ang tanang matang sa sindikatong binuhatan sa pagligid sa panahon kini pagahukman,daghan ng gihukman ang Marawi,Ozamiz,Maasim mga lugar nga kanhi giduminar sa mga Politikong sakim,sindikato lakip ang mga residente nagpaka buta bungol sa balaud sa yuta ug balaud sa langit kay mas gi-siguro ang panginabuhi,kabtangan,kwarta mga material nga butang sama nisa na hitabo sa syudad sa Sodoma ug Gomorra biblically kon ibasi nato sa Genesis 19:24 GIPAULANAN SA DIOS ANG SODOMA UG GOMORRA UG AZUFRE UG KALAYO NGA GIKAN SA LANGIT, Unsay rason nganong gigun-ob sa Ginoo ang maong mga syudad tungod sa kadautan sa katawhan, pero si Lot giluwas kay gikahimut-an sa Dios, kanang survivors karon mga gikahimut-an sila sa Dios busa dili dapat mag basul o kaha magdumot ang mga residente sa Marawi kay human sa unos mopuli niana ang bag-ong bidlisiw sa adlaw, lesson learn atong likayan ang sobrang kada- utan aron dili ta magun-ob sama sa Marawi, ang ato lang panghinaut nga tumanon sa Duterte Administration ang saad nga human maguba ang dakbayan himoon ang total rehab ug hatagan sa hingpit nga ayudad ang apektadong residente kay dili lalim nga mobalik ka sa uno labina sa pamuyo ug panginabuhi.
