Subling mi-init si Pangulong Rodrigo Duterte sa rebeldeng CPP-NPA human sa nahi-tabong insidente sa pagpang ambush nga nahitabo niadtong miaging merkulis sa lalawigan sa Bukidnon nga gika-angin sa upat ka buwan nga bata. Nasayran nga gi- banhigan sa New People’s Army ang Patrol Car sa Philippine National Police Amai Manabilang Bumbaran Municipal Police Station, sa hilit nga bahin sa Kilometro 28 Barangay Tikalaan Talakag Bukidnon. Nasayran nga napatay ang usa ka Police nga si SPO3 Arnel Carillo samtang samaran usab ang Station Commander nga si Insp. Joven Acuesta, SPO1 Pacifico Cabudoy, PO1 Nataniel Ibal, Civilian nga si Alexander Maniscan. Basi sa pamahayag ni Supt.Lemuel Gonda ang Spokesman sa PRO-10 Camp.Alagar Cagayan De Oro nga nagsunod lamang ang gisakyan sa upat ka bulan nga bata dihang nadamay sa pagpa-ulan ug bala sa rebelde nga unang gipunterya ang patrol Car sa Police.
Nasayran nga gi-angkon sa Mount Kitanglad Sub-Regional Command ang gihimong pagpang ambush nga gikamatay sa bata gani nangayo ug pasaylo ang NPA North- Central Mindanao Region sa pagkamatay sa bata ug pagka angol sa duha ka mga Civilian. Dakong kalapasan kini sa gikasabutang, Comprehensive Agreement on Respect for human Rights and International Humanitarian Law CARHRIHL tali sa Goberno ug CPP-NPA labina gyud ang pagamit aning Land Mine nga gigamit sa matag panahon nga mang ambush ning rebeldeng grupo. Sunod-sunod karon ang pagpangataki sa NPA sila ang ana-a sa likod sa pagpang sunog sa passenger Van sa Maasim gani gipalihok usab nila ang Sparrow unit nga gapang likidar ug Police lakip sundalo sa Placer Surigao del Norte Duha ka Police ang ilang gidagit, Cargo Truck sa Saging, Panel sa Beer kadtong Delivery Truck sa KCC Mall rebelde gihapon ang responsabli sa pagsunog. Kining mga sunod-sunod nga pakitang gilas mga pagpang harass kaya kahang makontrolar sa Administrasyon Duterte sama sa giluwatang pa hayag sa Pangulo nga human mapukan ang Maute-Isis ang CPP-NPA na usab ang isunod niini?
Madumduman nga gipahayag ni Presidente Duterte bag-ohay pa lamang nga sunod nga target sa Armadong Kusog sa Nasud ang New Peoples’ Army sa kabukiran kay walay luna na ang sabut-sabut sa kahusay ug kalinaw tali sa Governo ug Rebeldeng grupo tungod sa padayong pagpangataki ug extortion nga gihimo sa New Peoples’ Army gani niadtong Hulyo 19 gi-ambush pa lakip ang sakyanan sa PSG nga convoy ni Pangulong Duterte sa Arakan North Cotabato ug kining bag-ong ambush sa PNP Patrol Car nga gikamatay sa Police damay pa pati ang batang upat ka bulan murag sobra na aron palampason pa sa goberno ang kamangtas ning NPA gatira pasagad.
Ang Communist Party of the Philippines-New People’s Army-National Democratic Front of the Philippines rebellion milungtad na sa 48-ka tuig pito ka bulan human namugna kini niadtong March 29,1969 sa pagpamuno ni Prof. Jose Ma.Sison ang Communist Party Of the Philippines mao ang Partido, ang National Democratic Front of the Philippines mao ang negotiating party samtang ang New peoples’ Army maoy combatant o armed forces sa Partido Kumunista. Sa sinugdanan ang pwersa sa NPA miabot lang sa 60-ka guerrillas ug adunay 35-ka mga armas kini ang hulip sa grupo nga gitawag ug Hukbalahap usa ka Communist Insurgent Faction nga nakig away sa mga Hapon sa ikaduhang gubat sa kalibutan gikan 1942-1954 human sa gamay nga hugpong miabot kini ug 25-mil diin suportadko kini kanhi sa North Korea ug sa China gikan sa tuig 1969-1976. Apan sa kasamtangan aduna nalamang 4-mil ka NPA fighters o pulang manggugubat sa tibuok Pilipinas.Demodo kon sa kinatibuk-an 4-mil lamang ang NPA sisiw lamang kini kon ikumpara sa 272,500-mil 2017 data nga pwersa sa Armed Forces of the Philippines nga namugna niadtong December 21, 1935, 81-katuig na ang milabay kini gilangkuban sa Philippine Army,Philippine Navy, Philippine Air Force Philippine Marines ug may Ready Reserve personnel nga 525,750-thousand gawas sa dakong pwersa kumpara sa NPA Rebels ang AFP may budget nga 3-billion U.S Dollars o 130.6 Billion pesos karong tuiga kansang adunay kinatibuk-ang budget sa 2015-2028 AFP modernization program nga 23-bilion US Dollars 0.9 porsento sa 2016 Growth Domestic Product GDP sa Pilipinas kung diin sa 2017 global Firepower ang Pilipinas ang ranked NO.50 sa 127-Countries World- wide gawas sa AFP anaa pa ang Philippine National Police nga namugna January 29, 1991 sa kasamtangan adunay 170-mil active personnel adunay budget nga 1.832 billion Dollars o 88.513 Billion Pesos.
Kung basihan ang Datos sa combatant,armas ug budget imposibling dili mabungkag ang New People’s Army kon tinud-on lamang gyud pagbungkag sa NPA busa kong ako ang pasultihon sa nakita naku nga deperensiya imposibli nga dili mahimo sa Government Troops ang pagpulbos sa Maute-Isis nga dili sab mapulbos ang CPP- NPA? Kahibulongan bisan kong kining pwersa lang gani sa PNP nga 170-thousand kontra 4-thousand human naku na research ang comparison may kalambigitan sa pwersa,armas ug budget nakalingo-lingo ko sabay pangutana sa akong kaugalingon nganong nakaabot pa ug 48-ka tuig ug Pito ka bulan kining 4-mil lang ka pwersa ug sa kadugay sa panahon nganong wala gyud ma-realize ang sabut-sabut sa peace table nga pipila ka higayon gigastohan sa kwarta sa katawhan tungod kay binilyon ka pesos na ang gigasto sa GRP Peace Panel? Dunay nagpahimo aning storya nga nagdala ug personal interest sa laktud posibling adunay nakasapi aning komplikto basin may nakapaak sa dakong pundo,negosyo ug sindikato? Ang AFP ug PNP may canyon,helicopter,jet fighter tanke de giyera gawas pa sa gatusan ka libong mga personahe I wonder nganong dili gyud mahurot ning 4-mil raman diay sa tinamban nga pagsabut lang kon tinud-on lang gyud sa nasud ang pagpuhag aning mga NPA dili ni abtan ug buwan labina kon suportahan sa katawhan posibli kaha nga tinuod ang haka-haka sa Games of the General sa Armed Forces of the Philippines?
Pero magsilbing hagit sa Goberno nga taliwala sa modernong panahon may MASA pa gihapon nga gasuporta sa NPA? Usa sa nakitang hinundan nga walay nakitang kalambuan ang kabanikanhan, sagad sa mga Pobring Rehiyon nakitaan nga may dakong ihap sa Community Support pabor sa NPA diin posibling rason nga nadala sila sa buladas o propaganda sa rebeldeng grupo gumikan kay walay pagpakabana ang kagamhanan labina sa paghatag serbisyo ug mihuras sama sa dalan,tubig ug elektisidad. Dili palang dugay ang mipahayag ang si Brig.General Nemesio Gacal, 402nd Infantry Brigade Commander naka basi sa Butuan City nga may mga Local Officials sama sa Gobernador, Mayor ug Barangay Captain’s sa Caraga Region-13 ang dobli Kara ang mga opisyal labina sa Agusan del Norte ug Surigao del Norte buot ipasabut ni General Gacal nga mga opisyal unta sa goberno apan hilum nga misuporta sa kalihukan sa NPA pinaagi sa paghatag ug pundo pagkaon ug armas dunay mga lugar pa sa nahisgutang mga Probensiya nga ang tinuok Barangay Council ang gasuporta ug manguna sa kalihukan sa rebeldeng grupo labina sa mga hinterland Barangay’s. Segun usab sa tigpamaba sa PRO-13 nga si Chief Inspector Renel Serrano, ang pipila ka Mayor maghatagan ug pundo alang sa NPA busa lisod nga mabungkag ang kalihukan sa rebelde kay may dobri Kara nga opisyal sa nasud nga gabahog gamit ang resources sa local Government Unit. Kini nga mga opisyal maoy i-apil dapat sa giyera mga traidor, nagtakuban suot ang ilang pagka halandon pula-puti ang estilo mao lagi nga naka pangutana ko sa pwersa armas ug personahi mumho lang ang NPA pero nganong ni-abot sila ug halos 50-anyos lawum tulukibon ang kina-uyokang storya apan kon imong tumbukon ang rason gahum,kwarta ug Politika lakip corruption ang bug-at nga hinundan aning giyera sakit lang nga sa matag boto sa armas sa matag panig NPA man o Army, Filipino ang mamatay mas labing sakit Civilian ang gaka-ipit ug sagad madamay. Segun sa Datos sa AFP may 10,672 ka civilian ang namatay sukad 1969-2002, 9,867 sa tropa sa goberno ug 22,799 ang namatay sa CPP-NPA matag lahi nga grupo apan pulos mga Filipino .
