![Sir-Jhun-Estanio-final-11](https://i0.wp.com/rmn.ph/wp-content/uploads/2017/09/Sir-Jhun-Estanio-final-11.jpg?resize=419%2C419&ssl=1)
Taliwala sa hisgutanan nga mahitabo ang election sa Octobre, may proposal nga sa Mayo 2018 ang SK and Barangay Elections, laing version ang nabulgar nga i-tudlo na lamang ang Opisyal sa Barangay.Kini human gibulgar ni Senador Richard Gordon nga gihingusgan ni Senate President Aquilino Koko Pimentel lll nga mahatagan ug gahum si Presidente Rodrigo Duterte nga mag appoint nalang ug Officer in-charge OIC sa mga Barangay hangtud nga mahitabo ang piliay sa Octubre 2018. Dugang ni Gordon nga plano sa administrasyon nga matanggal sa posisyon ang mga Brgy. Officials nga ana-a sa drug list, hinoon nasabtan ni Gordon ang proposal sa Senate President busa iyang gi-respito ang lakang niini kung diin uyon usab ang Senador nga mawagtang sa pwesto ang mga opisyal nga nalambigit sa drug trade. Sa pikas bahin aminado si Senate President Koko Pimentel nga daghang mosupak sa iyang suhistiyon busa andam kining ipa-retoke ang iyang na-unang proposal. Sa inyong tan-aw mga ka RadyoMan angayang ipadayon ang election o mag appoint nalang?
Si Mayor Ronnel Rivera namahayag nga uyon siya nga ma postpone o ipadayon ang election kampante ang Mayor nga sa GenSan walay opisyal sa Barangay nga nalambigit sa iligal nga droga Manghinaut ko nga tinuod ang gi-ingon ni Mayor Rivera na walay Barangay Opisyal sa GenSan nga nalambigit sa droga, kining User o kaha Protector kay maka-uulaw nga pinili ka sa Barangay unya naka contribute ka sa kadaut sa future sa kabataan.
Ang mga minoriya congressmen sila si Representative Teddy Baguilat,Edcel Lagman ug Carlos Zarate mi-angal kay dili daw dayag ang petsa kon kanus-a ang election sa Barangay basi sa kagustohan sa Mayoriya, dapat usab nga ipahigayon ang piliay aron mahatagan ug tiyansa ang katawhan nga maka pili sa nagustohang opisyal sumala sa minority block.
Makalibog usab mga ka RadyoMan ka yang Commission on Elections mideklarar na nga pwede ng magduso ug Certificate of Candidacy ang mga gustong mo kandidatu sa SK ug Barangay election sugod karong adlaw’ng sabado September 23 hangtud sa September 30 kini basi sa Resolution 10196 nga dawaton na sa local Comelec office nga libre ang COC filing ,bisan sa adlawng Sabado ug Domingo alas 8:00 hangtud alas 5:00 sa hapon kong diin kinahanglan nga nilawas nga mo file ang mga kandidatu ug wala gitugot ang snail mail o kaha email. Basi sa deklarasyon sa Comelec mi-abot na sa 200-million ang nagasto sa Comelec sa pagpangandam sa election sa Barangay, sumala ni Zita Buena Castillon,Comelec finance Director atol sa hearing sa House Committee on Suffrage and electoral Reforms na may 6-billion ang nabiling budget alang sa pili-ay dugang pa nga Agusto 9,2017 pa lamang nag sugod na ug pag imprenta sa balota nga mo-abot na sa 14-mil,Dako-a na sa gasto 2-milyones kong dili madayon ang election karong Octobre 2017.
Karong September 23 usab magsugod na ang Gun Ban tungod sa nagkaduol nga election sa barangay molungtad ang Gun Ban sa October 30 ubos sa Comelec Resolution No.10197 subay niini gi-did-an ang si bisan kinsa nga magdala ug armas ug kutsilyo sa gawas sa pinuy-anan during election period lakip ang pag transport ug armas sa mga Police ug sundalo kinahanglan may issuance of Authority aron maka dala sa issued firearms sa Comelec Committee on the Ban of Firearms and Security Personnel karong September 21,2017. Ubos sa Omnibus Election Code ang makasupak sa Gun Ban masilotan sa pagkabilanggo ug unom ka tuig nga pagka- priso.
Apan taliwala sa pagpangandam sa Comelec posibling dili gihapon mahinayon ang election tungod kay gi-aprobahan na sa second reading sa Kamara ang balaudnon pag postpone sa SK and Barangay Election nga didto na himoon sa Mayo 2018. Sa Viva Voce Voting gi-aprobahan ang sponsor House Bill ni Congressman Sherwin Tugna ang Chairman sa Committee on suffrage and electoral reform sa plenary ug nakatakda kining ipapasa sa ikatulong pagbasa karong semanaha aron dili na ma- abtan sa nakatakdang pili-ay karong October 16, ang katulong lunes sa bulan ubos usab sa HB nga magpabilin ang mga incumbent Barangay Officials sa ilang pwesto sukwahi sa kagustohan ni Presidente Rodrigo Duterte nga mag appoint ug opisyal sa Barangay sa kapin 42-mil ka kabarangayan sa tibuok Pilipinas.
Ang nasayang diri ang milyones nga nagasto na sa Comelec unya ma postpone lang unang-una nganong gibitin man sa goberno ang desisyon sa pag postpone sa piliay kon in-ani nga dako nag nagasto dapat ipadayon ang election, unsay gibuhat sa mga magbabalaud nganong dugay nakahimo ug balaud nga mag extend sa election kong buot huna-hunaon over night pwede silang maka papasa ug balaudnon si Digong usab kabalo siya nga mogasto ang Comelec sa pagpangandam sama sa pag pang rehistro, ballot printing wala siya nag issue nga i-konsiderar nga urgent ang balaud? Nagsayang ug kwarta ang goberno maayo nalang unta ning pipila kamilyon mahatag sa proyekto o kaha tabang sa kabus. Kon mo appoint man galing siya ug Opisyal sa Barangay sama sa gusto ni Senate President Koko Pimentel ug ni Cong. Ace Barbers nga kay aron daw mawagtang sa pwesto ang 40-porcento Barangay Officials nga nalambigit sa iligal nga droga nganong gi-dugay pa nga gagasto lang?
Bisan kon sa balaud 3-years lang ang termino sa Opisyal sa Barangay, kong walay election pwede man sab at-least ang 6-billion magamit para reserba sa 2019 nationwide elections dapat usahon nalang para usa ang gasto, kanang mga kapitan diha nga involve sa droga aw tokhangon lang gud na kay uso mana karon, pero ang sayang ang nagasto na nga mabutang lang sa basura,kwarta baya na sa katawhan seguro maghuna-huna usab ang atong lideres nga i-value ng salapi sa goberno kay sige gani tag pangutang usikan na hinoon nato ang kwarta, kon dili idayon man gani idayon dapat mas sayo ang desisyon para iwas gastos sa walang katutorang bagay, kon mag appoint usab kay gusto sa duha ka Presidente, President of the republic and President of Senate, hala appoint dayon basta dili lang tawo-tawo kay basin ang mapili mas bati pa kaysa gitanggal, daghan na gud Barangay Kapitan ka ron nga nagpasipsip nga sa pagdagan ni Digong,wala man siyay Kapitan, pero sus karon halos tanan Barangay Opisyal nagpa sipsip na sa PDP kay para ma appoint mga trapo nga Politiko,balingbing kon asa ang gatasan tua sila ug labaw sa tanan matuman ang purpose nga matanggal kining mga opisyal nga nalambigit sa illegal activities sama sa droga lakip ang illegal gambling kay mga alimatok ning dagko!