Daghan ang nagtoo nga nagka gamay ang pwersa sa New People’s Army NPA gumikan sa sunod-sunod nga pag surrender sa ilang mga membro ug lakip na ang mga tag-as nga lider diri lamang sa Socsargen Area ning bulan lamang sa Enero 2018. May mga reaction nga basin ug gikapoy na ang uban kanila sa pagtago-tago sa kabukiran pero ang uban nagtoo nga mitahan kini kay nahadlok sa bahad nga all out war ni Presidente Rodrigo Duterte. Segun sa atong nahipos nga impormasyon ang lugar nga gitumbok nga may dako nga pwersa o ihap sa mga membro sa CPP-NPA sama sa mga probensiya sa Bukidnon sa Northern Mindanao, probensiya sa Agusan del Norte,Agusan del Sur, Surigao del Norte, Surigao del Sur nga ubos sa jurisdiction sa 4th ID Philippine Army gidugangan na ug laing battalion-battaliong sundalo nga gi-tahasan nga mo pulpol sa NPA nga gi-ilang terorista sa goberno karon.
Enero 8, 2018 dihang mi-surrender ang duha ka lider sa Guerilla front 51 Southern Mindanao Regional Committee SMRC nga sila si Randy Atong nga gi-ilang Finance and Logistics Officer sa Andoy Basil Platoon ug si Renie Atenza team leader sa First Squad Basil Platoon New People’s Army.Matud pa sa duha ka NPA leaders gipangkapoy na sila ug nalisdan sa pagtago-tago ug engkwentro sa kabukiran ug ang kagutom nga gibati sa sige’ng tago.Dala ni Atong ug Atenza sa pagtahan ang ilang mga armas nga M14 ug M16 rifle ug M2013 grenade launcher.
Enero 10, 23-ka mga membro sa NPA ang laing mi-surrender didto sa Sultan Kudarat ubos sa Guerilla Front 73 NPA sumala pa ni Colonel Harold Cabunoc nga ang mga rebelde naga operate sa Senator Ninoy Aquino nga membro sa Village Level Political wing sa Communist party kilusang Rebolusyonaryong Barangay.Dala sa mga mi-surrender ang upat M1 Garand Rifle,usa ka M14 rifle usa ka homemade ingram ug duha ka pistola. Madumduman nga unang mi-surrender ang siyam ka membro sa NPA sa kadagko-an sa 33rd Infantry Battalion Phil. Army sa kinatibuk-an 113 na ka mga NPA ang mi-surrender sa Sultan Kudarat, diin sagad sa ilang rason gikapoy sa pakigbisog ug gusto nang mobalik sa natural nga kinabuhi, apan ang pipila mi-angkon nga na hadlok sa deklarasyong all out war ni Presidente Duterte, na tan-awa lagi na lisang gyud kay kon ang Maute-Isis wala gilung-an hangtud nga dili ma dido ang NPA pa kaha nga tago lang nangtago?
Kon sa Sultan Kudarat nanurender na ang mga NPA member’s sa South Cot. duha ka opisyal sa New People’s Army ang mitahan ang magti-ayon nga sila si Ka Efren alyas Ka Jeffrey sa tinuod nga kinabuhi si Noel Legaspi nga maoy spokesman tigpamaba sa Far South Mindanao Region,naglihukan sa South Cotabato, North Cotabato,Sarangani,Maguindanao ug Davao del Sur,lakip na mitahan ang iyang asawa nga si Ka Wendy Chief Medical Team sa nahisgu- tang grupo.Ang magtiayong Ka Efren ug Ka Wendy mi-surrender niadtong milabay’ng Enero 15,2018 kang South Cotabato Governor Daisy Fuentes ug dayon gi-turn-over ni Lt.Col.Benjamin Leander ang Commanding Officer sa 27th infantry Battalion Philippine Army nga nakabasi sa Tupi South Cot. Si Ka Efren 26-ka tuig ng membro sa New People’s Army gani gi-ila kini nga lig-on nga leader sa kalihukan, apan sa iyang pakigbisog sulod sa kapin duha ka dekada walay nakitang kabag-ohan u gang kakapoy sa pagtago-tago ang ka gutom maoy rason sa iyang pagkanaug ug pagbalik sa sabakan sa goberno.
Dili nalang na mo ingon nga nahadlok kay mga isog maning mga membro sa NPA, andam mopatay ug magpakamatay alang sa ilang idolohiya prensipyo ug baruganan, dili man gani ni sila magpanuko nga mag extortion manunog ug sakyanan ug propidad sa mga civilian basta dili ka mohatag sa ilang gi- demand nga revolutionary taxes, bisan ni ingon na si Digong nga undanga ninyo nang pagpangilkil kay wala moy katungod nga mangayo ug buhis kay usa lang ang goberno sa Pilipinas, eh sige gihapon silang pangilkil extortion mao nang napikon sa Digong, nga kanhi nila ka-alyado gawas sulod si Pres. Duterte kaniadto sa ilang kampo dihang Mayor pa siya sa Davao saksi ko ni-ana kay naka uban ko sa pagbuhi sa tulo ka mga Police sa Surigao del Norte nga gibuhi-an sa NPA pinaagi sa pakig negosasyon ni Duterte, didto sa bukid sa tunga-tungang bahin sa lungsod sa Guigaquit ug Claver Surigao del Norte gisuot paman gani ni Ka Oto ug Ka Edroy si Pangulong Duterte ug kalo nga may star, kalo sa NPA, sakay si Duterte sa duha ka mga private helicopter.
Grabi nila ka suod kaniadto tungod ka yang founder sa CPP-NPA si Jose Ma. Sison iyang professor busa lakas kaayo kaniadto ang NPA kang Duterte hi-natagan nag pinaskohan ni Digong ang mga NPA,pero kay inay nga mahimo-ng kaabag sa dihang milingkod na si Digong sa pwesto, miki-at man ang NPA ni-abusar,sige ug pang ambush,ni-grabi ang pagpangilkil, bisan kon nag pahigayon pag negosasyon ang GRP ug NDFP sa gawas pa sa nasud dakog gasto, mang ambush, mangdagit ug manunog ug sakyanan mangsulong ug kompanya, gituk-an ug sungay ang Pangulo nga dati nilang ka-alyado karon nakatakdang pulpogon sa goberno ang kanhi rebelde karon teroristang NPA.
Sa akong gi-ingon kaganina Caraga Region ug Northern Mindanao dakong ihap sa NPA labina sa Agusan ug Surigao kulba ang NPA didto kay magpa higayon ug Check Point sa National Highway, dawsa ilang hagiton ang mga army, gihungihong nga si Ka Oris George Madlos ang gi-ilang haligi sa BHB Bagong hukbing bayan NPA kansang armed wing sa Communist Party naa sa kabukiran sa Agusan del Norte o kaha diha sa Lingig Surigao Del Norte sa gitawag nga Zapanta Valley.Maoy hinundan nga sa milabay’ng semana si Capt.Joe Patrick Martinez, ang tigpamaba sa 4th Division Philippine Army sa pag Major General Ronnie Villanueva, may mi-abot na ang 500-ka mga army soldier gikan sa 67th infantry Battallion, ug laing libo-an pa nga mga sundalo ang mo-abot gikan sa lain-laing division ug Battalion alang sa full blast nga order nga all out war batok NPA, ang order sanlagon ug walay ibilin hutdon ang NPA sa nahisgutang lugar, sama sa gihimo sa armadong kusog sa Maute ISIS sa Marawi, maong nakatimaho naning mga lider ug membro sa NPA nga maoy posibling hinundan sa ilang pag surrender, unsa guy laban sa NPA sa AFP 220-thousand fighters kumpara sa wala ra mag 4-mil nga NPA bisan Cafgu lang ang tahasan sa AFP bungkag na ang NPA, eh ang PNP nga adunay pwersa nga mo-abot sa 182-thousand, plus Air force ug Philippine Navy nga may Warship, kuto versus elepante ang comparison.
Karon tuiga mag 49-katuig na ang CPP-NPA Bagong Hukbong Bayan human namugna kini niadtong March 29,1969 diin gimugna nilang Kumander Dante Bernabe Buscayno ug Lucio Manlapaz, tuig 2015 gibana-banang 3,200 na lang ang kinatibuk-ang pwersa sa NPA. Halos mag golden anniversary na ang NPA, ambot kon unsay ilang gipaglaban nga gawasnon naman gikan sa langyaw ug martial law ang Pilipinas? Si Kanhi AFP spokesman LT. Colonel Ramon Zagala maoy unang mitawag sa NPA ug extortionist gumikan kay pagpangilkil na ang gihimo niini tungod kay kong dili mohatag ang mga ne- gosyante maskin yanong civilian ilang harason, nawad-an sa ilang idolohiya ug nag engaged na sa extortion activities, kamo kompormi bamo karon nga extortionist na ang NPA sumala sa gihatag nga bansag ni Col.Ramon Zagala?
Kon ako ang pasultihon extortionist gyud kay kuhaon nimo ang usa ka butang pinaagi sa dahas,pagpanghadlok ang labas gani tulis sa atubangan kay by force nimo kuhaon ang kwarta, gabuhis pa ang negosyante sa BIR ug Local Government dugangan pa sa NPA ang galastohon diba pasakit? Daan nang nanganti si Pangulong Duterte, nga human sa Maute-Isis ug pagsaulog sa Pasko isunod niya sa pagbungkag ang NPA, kini na ang panahon asahan na ang giyera de patani sa AFP versus NPA, manghinaut lang na ang walay civilian nga madamay sa panag engkwentro, matira ang matibay ngipon batok ngipon, dili man ta gusto ug giyera kay ang matag kinabuhi nga maka las Filipino raman, pero sa kadugay na sa panahon dapat ng naay modaug sa sangka kay para matapos na, pareho sa Vietnam human sa gubat mipuli man ang kalambuan, dili mani ma-undang kon walay mapilde ug may mo- daug, ang NPA gani dili man gatuman sa ilang saad, last Christamas season mideklarar sila ug ceasefire tugbang sa Unilateral Ceasefire nga gideklarar ni Digong, na-unsa ba nga paskong-pasko ilang gidagit ang Deputy Station Commander Inspector Menardo Nisperos Cui, sa President Roxas Municipal Police Station sa North Cotabato kini basis a kompermasyon ni SMR NPA Spokesman Rigoberto Sanchez, December 28,2017 ubos pa sa gideklarang Ceasefire ilang gidagit si Inspector Cui sa usa ka KTV Bar sa Brgy.Tuael gi- deklarar sa Mt.Apo Red Fighter nga Prisoner’s Of war si Inspector Cui, eh sila mismo nag declare ug Ceasefire but what happened nganong nangdagit sila nag operate sila during sa declaration of Ceasefire? Diba matawag nga mga traidor ang pipila ka hut-ong sa New People’s Army? Ug unsay lakang nila Ka Oris ug Joma Sison nga mihimo man ug lakang ang ilang pulang manggugu- bat taliwala sa deklarasyon tigil boto? Tama lang nga ma-undang na ang ka hibangan ika nga, kon modaug sa bakbakan ang AFP padayon ta sa goberno apan kon modaug sa bakbakan giyera ang NPA di didto ta pasakop no choice man ta mga civilian kay wala man tay armas, matira ang matibay kong asay lig-on didto ta, basta human sa giyera mobanos ang kalinaw kay naa namay modaug,dili man madala ug peace talk giyera nalang.Itum pas ata sa Nokos!
