Kagahapon sa buntag tuloyan na nga gihulipan sa kanhi Regional Director Chief Supt.Cedrick Train isip labaw sa Police Regional Office-12 sa bag-ong Regional Director nga si Chief Supt. Marcelo Casabuena Morales, kong diin nahitabo ang turn-over of Command sa PRO-12 headquarters sa Barangay Tambler General Santos City. Maoy nangulo sa turn over ceremony isip nag representar ni PNP Chief Director General Bato Dela Rosa si General Archie Francisco Gamboa ang Chief of Directorial Staff sa Camp Crame.
Kong madumduman nga December 11 ang Special Order o appointment sa paghulip ni General Morales, apan gahapon lamang ang pormal nga turn- over of command ceremony, samtang sa maong adlaw usab epektibo ang bag-ong posisyon ni General Train isip mangulo sa Directorate for Integrated Police Operation Western Mindanao o DIPO.
Mensahi ni Outgoing RD General Cedrick Train, gipanawagan niini sa tanan nga suportahan si General Marcelo Morales isip labaw sa PRO-12,apila niini sa Publiko nga kong unsa man ang suporta nga gihatag kaniya mahatag pod ngadto sa bag-ong Regional Director sa kapulisan sa Rehiyon. Si bisan kinsa man ang mangulo sa PRO-12 usa lamang ang tumong nga magpabilin nga malinawon ang kinatibuk-ang rehiyon, aminado si General Train nga pabiling hulga sa Socsargen ang insurgency ug karong gideklarar ni Pres.Duterte nga Teroristang grupo ang New People’s Army busa mahimong challenge ug lakip nga i-priority ni Morales ang problema sa insurgensiya. Lakip ang proyekto nga magpaduol sa kapulisan sa kuminidad tutokan sab sa liderato ni Morales aron makuha ang suporta sa publiko sa ingon niana makakuha ug paspas na impormasyon alang sa dinali-ang pagrespondi sa kreminalidad nga panghi- tabo sa palibot tambag ni General Train.
Nindot nga tambag alang sa bag-ong labaw sa PRO-12, tambag nga wala ma himo ni General Train kaniadto,kay sige siyag panawagan ug suporta sa mga katawhan pero sa Media isnabero kaayo siya, kong imong tawagan bisan pa kong magpa-ila ka dedmahon kalang, pero kong guapa, sexy nga reporter ang motawag insigida, mabilis pa sa alas kwatro si Train mo tubag. Nindot mo buladas si General Attorney Cedrick Train, sayang wala na siya sa iyang posisyon, igo nalang siya motambag. Anyway manghinaut ta nga maminaw ug tambag si General Morales , unya dili siya mo sunod sa style ni General Train, dapat mahimo siyang bukas sa Publiko labina sa Media nga tinubdan sa impormasyon alang sa katawhan, dili man tanan maka access sa PRO-12 ang tanan but kong gamiton ni General Morales ang Media, segurado ang mga proyekto, plano ug accomplishment sa kapulisan sa Rehiyon gikan sa Police Precinct, Municipal Police Station, City Police Office,Provincial Police Office hangtud PNP Regional Office masarap nang tanan impormasyon ug mawaragwag sa kahanginan in-ana ka importante ang Media sa kumonidad.
Unta dili madala sa tinaginting sa salapi ang bag-ong labaw sa PRO-12 kay dili ikalimod nga ana-a diha ang suborn gikan sa unang-una illegal gambling operation sama sa video karera, last-2, Swertres, sabong uban pang matang sa sugal. Dili usab ikalimod nga may pipila ka organisadong grupo sa mga sindikato sama sa droga, kidnap for ransom, carnapping syndicate sa Region ang mangitag paagi nga maka connect sa Regional Office para protection sa ilang sindikato, ang mga negosyante usab nga naghimo ug illegal nga mga kalihukan magpapapel usab sa Regional Director alang sa Proteksiyon, kini nga mga gahum ug panguwarta maoy dakong tentasyon sa posisyon nga ana-a sa gahum sa General nga naghawid sa tibuok Rehiyon, tungod kay under niya ang Municipal, City ug Provincial Director, he can fire and hire buot ipasabut makatudlo siya ug mga sensitive nga position with- in AOR.
Busa gani ang ubang Heneral maningkamot gayud nga maka posisyon sa Regional Police Office prior nga ma destino sa Camp.Crame kay dinhi sila mamuhonan tungod kay ang Regional Director little Chief PNP ka diha may saktong Position o opisina ug dunay saktong tawo nga ubos sa imong pag mando kumbaga ginatingala ka gikan sa Municipal, city ug Provincial Level naa pay Local Government Units Officials nga magpahumot usab sa imo aron dili mahilabtan ang status sa Police nga gihimong tawo-tawo usab sa Mayor ug Gobernador. Kining position ni General Train, matawag nga na promote kay nahimo naman siyang 2-star General, apan ang DIPO sumala sa amigo natong opisyal sa Police ngalan lang ang maayo ani kay lu-ag ang imong AOR DIPO Western Mindanao under ni General Train ang tulo ka Region sa Mindanao pero ang problima kay walay klarong opisina walay kaugalingong tawo nga under sa imong supervision sa laktud ang DIPO floating status nga opisina nga pang konsuelo de bobo.
Atong sundan kong unsay istelo ni General Marcelo Casabuena Morales kini usa ka PMA graduate class 1987, kanhi Deputy Regional Director sa Region-11 unya dating labaw sa PNP Maritime Command, dili na bag-o niya ang Mindanao kay na assigned naman ni kaniadto sa Deputy RD sa Davao City lahi-lahi man ang sestima sa mga Heneral kay lahi-lahi man ug batasan but tama ang gi-ingon ni General Train, usa lang ang ilang purpose ang kalinaw ug kahusay sa rehiyon, suportahan nato ang kampanya sa kapulisan under General Morales labina sa mga plano ug proyekto nga maghatag kaayohan sa katawhan sa Socsargen, pero kong ingkaso adunay kabalbalan nga ma- hitabo ubos sa iyang liderato nakatutok ang katawhan, kami sa RMN Gensan dili makalikay si General Morales, sa kritiko kong mo abuso o kaha mag tulog-tulog siya sa pansitan. Lauman nato ang malahutayong kalinaw ug puno sa public service nga PRO-12 ubos sa lierato ni Gen. Marcelo Morale kay tataw sa mandato sa PNP to serve and protect ,tigpatuman sa balaud ug labaw sa tanan protektahan ang kinabuhi ug propedad sa katawhan.
