Gi-angkon ni Presidente Rodrigo Duterte nga may mando siya sa mga Police nga i- shoot to kill ang iyang anak nga si Davao Vice Mayor Paulo Pulong Duterte kong ma pamatud-an ug madakpan sa akto nga nalambigit sa illegal drug Trade. Ang pama- hayag sa Pangulo gihimo sa publiko dihang gihimo ang Conferment sa gawas Career Executive Service ug 2017 Outstanding Workers sa Malacañang. Hugot nga gibarugan ni Digong nga wala siyay santuhin o pili-on sa kampanya batok iligal nga droga bisan pa ang mismong anak kong mapamatud-an nga lakip kini sa operasyon sa illegal drug, para mapakita sa tawo ug walay ma-istorya nga may iyang gipalabi ug giprotektahan. Andam protektahan sa Pangulo ang mga Police nga makapatay sa iyang anak kong nalambigit kini sa iligal nga operasyon aron ipakita nga basta nag trabaho ang Police andam siyang mo barug ug magpa priso aron lang labanan ang otoridad nga ga-trabaho ug tinarong. Gawas kang Vice Mayor Pulong lakip nga gibaharan niini ang son in Law nga si Atty.Manases Carpio nga manubag kong may gihimo kining kabalbalan kay kon kaya niining ipapatay ang kaugalingong anak mas samut nga nga wala siyay ilhon nga umagad, dugang sa Presidente nga kon makita sa publiko nga mapatay ang iyang kaugalingong anak sa pakigbatok sa illegal drug dili na mo daldal pa ang kritiko tungod kay ma-ipakita niini nga walay ginapili ang iyang administrasyon. Madumduman nga si Atty.Carpio ug Vice Mayor Pulong lakip sa kontrobersiya sa mokabat 6.4 billion, 604 kilos nga shabu nga gisulod sa lima ka cylindrical roller printing machines gikan sa China nga na diskubre sa warehouse sa Valenzuela City kansang gi-imbestigahan sa Senado.
Tungod niini gi kwestiyon karon sa netizens ang pamahayag sa Pangulo gumikan kay imposibling mahimo niini ang pagpatay sa kaugalingong anak, mga batikos ang naangkon ni Digong ug subling nahisgutan ang kapalpakan sa saad sa pagsulbad sa problima sa illegal drug sulod sa tulo lamang ka bulan, ang pagwagtang sa ENDO ug ning bag-o ang imbento nga bank account ni Senador Antonio Trillanes diin gi- angkon sa Presidente nga bakak ang tanan niyang gibulgar ang Bank Account aron mobalos sa pagpamakak usab sa Senador. May mga mi-bilib sa gihimong patibong ni Digong gani gibansagan kini nga chess player ang uban mi-ingon nga art of war ang gigamit sa Pangulo batok sa iyang mga kritiko. Congressman Carlos Zarate, puro storya lang ug walay tarung baruganan gi-sample sa kongresista nga sa 13-mil nga nangamatay sa illegal drugs halos mga yanong tawo lang busa nagtu-o ang bayan muna nga puro lang buladas ang gihimo ni Presidente Rodrigo Duterte ug kulang sa action.
Dili daw sulosyon ang pagpatay sa mga tawong nalambigit sa iligal nga droga maski na ang pagpatay sa anak sa Presidente nga si Vice Mayor Paulo Duterte. Kini ang gi pahayag ni GenSan City Councilor Lourdes Casabuena, sumala pa sa konsehal ang tanan adunay tiyansa nga mahatagan ug panahon nga mag usab ug angayan nga ipatigbabaw ang proseso aron mapamatud-an kon tinuod ang alegasyon, aminado si Casabuena nga usahay mo buhi ug pamahayag ang Presidente bisan kon unsa lamang ang masulod sa iyang utok, subling gibarugan sa konsehal nga pro-life kini.
Ang grupong Karapatan mipadayag nga kinahanglang ipaagi sa Proseso ang pagpa- matuod kon nalambigit ba gyud sa illigal nga droga ang anak nga si Vice Mayor Paulo Duterte. Sumala pa ni Ms.Ivy Calunsag- deputy Secretary General ,kung ang Pangulo seryoso sa kampanya sa illegal drugs pa-imbestigahan ang iyang anak ug kasohan aron pamatubag, dapat dili lang gagmayng tawo ang tutokan kon dili ang dagkong nalambigit sa sindikato sa operasyon sa droga sumala sa Karapatan.
Ang religious sector dili makatu-o nga mahitabo ang pamahayag ni Pangulong Duterte nga ipapatay ang kaugalingong anak, gani daghang mga statement si Presidente Duterte nga wala mahitabo. Gibatikos usab ni Sister Susan Bolanio ang pamahayag sa Pangulo nga sayon kaayo nga mo buhi ug pulong nga mopatay ug tawo bisan iya pang anak kay dayag nga wala kini respito sa tawhanong katungod ug dignidad sa tawo.
Ang pipila usab ka mga Purok Chairman nga nahinabi sa RadyoMan mipadayag nga dili mahimo ni Pangulong Duterte nga patyon ang kaugalingong anak, mas mapatay pa sa anak ang ginikanan kaysa ang ginikanan mopatay ug anak. Pagpanghadlok lang ang pamahayag sa Pangulo aron nga ang ubang ginikanan ug kabataan mag matngon sa ilang lihok, mi-bilib pa gihapon ang purok officials sa liderato ni Digong tungod kay daghan kinig nahimo nga kabag-ohan taliwala nga bag-o palang nag lingkod sa posisyon.
Kong matinuod man galing ning ipapatay ni Pangulong Duterte ang iyang anak kong mapamatud-an nga involve sa kalakaran sa droga hurot na gyud akong bilib sa iya, dili baya lisod ang mopatay ug anak, kadaghan amahan nga gipusil o kaha gidunggab ang ilang anak, naa sab na sa bibliya sa Marcos 13:12 And brother shall deliver up brother to death, and the father his child; and children shall rise up against parents, and cause them to be put to death. Itugyan sa mga tawo ang ilang kaugalingong mga igsoon aron patyon, ug mao usab kini ang buhaton sa mga amahan ngadto sa ilang mga anak. Makigbatok usab ang mga anak sa ilang mga ginikanan ug ipapatay sila sa mga anak. So far dipa nato ma predict ang liderato ni Pangulong Duterte tungod kay 1-year palang ang iyang pamuno-an, lisod alang sa pagtul-id sa daan ng problimado nga nasud. Apan seguro isip usa ka role model nga dapat mopa sunod sa maayong ehemplo, una ning usbon ang iyang estilo nga magpaturagas ug sulti bisan kon wala pay klarong berepikasyon kay mabulyaso gyud ka diha? Dili ikalimod dili nalang naku usa-usahon kay kabalo ko nga nasayud namo sa mga wala matuman nga saad sa Pangulo, lisod nga murag karon nga panahon dali lang makabuhi ug pulong nga dili mao ang mga opisyal, dili lang si Digong pati ang House Speaker,PNP Chief,DOJ Secretary sayon lang kaayo nga mamakak ka yang Presidente mamakak man pod, kining bank Account ni Trillanes senador na, gibuhat-buhatan ug bakak nga bank account, ambot kong tinuod ba nga iyang gilaro si Trillanes? Pero the fact nga Presidente ka magbuhat-buhat kag sayup nga isyo batok sa laing tawo bisan kon kintahay maayo ang imong purpose pero bisan unsaon sayop gyud diba? Dili mahimong maghimo ug sayup aron nga imong ipamatuod ang laing sayop? Unsaon man pagsalig karon sa tawo kon ang imong pamahayag tinuod ba o yaga-yaga lang kay sige Kaman bungat sa mga pulong nga tikal? Dapat huna-hunaon sa Presidente nga bisan siya lakip sa panul-tihon nga no one is above the Law, nga bisan kon Presidente siya klaro sa Article Xl accountability of Public Officers in Section 1, Public office is a public trust. Public officers and employees must, at all times, be accountable to the people, serve them with utmost responsibility, integrity, loyalty, and efficiency; act with patriotism and justice, and lead modest lives. Karon kon sige siyag buladas, atik-atik sa man diha ang Public accountability? Naa paba diha ang responsibilidad,dignidad ug hustisya tinuod nga maayong laki siya Abogado, prosecutor,Mayor, Presidente, apan dili ma- ayo ang sigeng pamakak kay dakong sala na ingon ang Revelation 21:8 dili maka sulod sa langit hinoon itambog ka sa linaw nga kalayo, si Pangulong Duterte atong amahan, gusto ba mo nga ang atong amahan bakakon? Dili na pwede ka malakip kita ug ka imperno ani kung kanunay mamakak ang tao unsay tawag niya amahan sa bakak, according to John 8:44 Mga anak kamo sa inyong amahan nga mao ang yawa ug buot kamo nga mosunod sa mga tinguha sa inyong amahan.Mamumuno siya sukad sa sinugdanan. wala gayod siya modapig sa kamatuoran kay wala man kaniya ang kamatuoran. Kon mamakak siya natural lamang kana kaniya, kay bakakon man siya ug amahan sa tanang bakak.,karon kon sige lang ug panikal si Digong, mahimo siyang amahan sa bakak, unsay sa iyang mga anak? Sana tutok nalang siya sa trabaho dili sa sige’g buladas kay sayang ang adlaw limitado lang ang iyang termino para mohatag panahon sa walang kabulohang bagay labina sa pagukod sa iyang mga kritiko kay natural lang ang may kritiko dili nimo tanan ma pa bilib ang tanang tawo, maski gani iyang anak si Baste, dili man gani sila magka sinabot ang tibuok Pilipinas pa kaha nga kapin 100 milyon ang tawo.
