Gidayig ni DILG Assistant Secretary Alexander Macario ang gipatuman nga istratehiya ni Governor Steve Chiongbian Solon nga “whole of nation approach.” Buot pasabot, tanan nga tao sa kabarangayan, munisipyo og probinsya ang sinsiro nga nagtinabangay aron depensahan ang seguridad sa ilang palibot.
Natestingan na ang pagtinabangay sa mga katawhang Sarangan human nadakpan niaging bulan sa Marso 2018 ang giila nga usa ka convicted suicide bomber taga-Indonesia nga niadto sa Palimbang, Sultan Kudarat. Tungod sa tabang sa komunidad, pag-abot pa lang niya sa Maitum, nahibal-an na ang iyang kalihukan.
Og bag-uhay lang pud, na-neutralize sa otoridad sa Maasim ang usa sa mga suspect nga maoy nagbomba niaging bulan sa Gensan, tungod gihapon sa tabang sa komunidad, ilang nakita nga adunay dayo sa ilang lugar.
Giawhag na lamang ni Governor Solon ang tanang purok og barangay officials hilabi na sa mga coastal area sa Sarangani nga magpabalo sa kapulisan og kasundaluhan kung adunay mga foreigner nga muabot sa ilang dapit gamit ang kadagatan, aron masuta kung legal sila nga nisulod sa Pilipinas.
