General Santos City– Istriktong ipatuman ang COMELEC gunban, kini ang nag-unang direktiba ni Police Chief Superintendent Eliseo Rasco, Regional Director sa Police Regional Office 12.
Sumala kang PSupt. Aldrin gonzales, tigpamaba sa pro 12 nga nauna ng gipatawag ang tanang city ug provincial director sa rehiyon milabay’ng adlaw nga sabado aron nga hisgutan ang implementasyon sa gun ban.
Pagpaklaro niini nga tungod gunban, suspendido ang tanang permit to carry firearms, gawas nalang matud pa kung adunay pagtugot gikan mismo sa commission on elections.
Dugang pamahayag ni PSupt. Gonzales nga labing mahinungdanon nga ipatuman ang comelec gunban panahon sa election.
Kini gumikan dili gyud malikayan nga adunay mga kandidatong adunay init nga away sa pulitika ug pinaagi sa gun ban, mapugngan ang mga posibilidad nga adunay mga magpinusilay.
