Davao City – Nunot sa sunod-sunod nga mga pagtay-og nga nasinatian sa syudad sa Davao ug uban pang mga lugar dinhi sa Mindanao, ang Konseho mopahigayon og inspection sa mga gambalay o buildings ilabi na mga government structures, facilities ug mga buildings.
Sumala ni Davao City First District Councilor Mabel Sunga-Acosta, tumong niini aron maseguro ang kalig-on sa tanang mga government buildings kontra sa makusog nga pagtay-og ilabi na kining gikabalak-an nga ‘The Big One’ kun earthquake kansang kakusog anaa sa Magnitude 7.5 ngadto sa 8.5.
Matud sa konsehala, matag lima ngadto sa napulo ka tuig, gikinahanglang susihon ang mga gambalay aron maseguro ang kalig-on niini batok sa mga kalamidad kun kining gitawag nga ‘structural integrity.’
Nanawagan usab si Acosta ngadto sa katawhan nga mosalmot sa pagahimoong 3rd Davao City-Wide Earthquake and Tsunami Drill sa Hulyo 26 dinhi sa Davao isip kabahin sa pagpangandam sa mga higayong adunay linog nga mahitabo tungod kay dili kini matagna kung kanus-a mokunsad ngari.
RadyoMaN Barnard Pantallon
