Davao City – Bayolasyon sa katungod sa mga estudyante ang gihimong pagpasira sa mga Lumad schools ilawom sa Salugpongan Ta’ Tanu Igkanugon Community Learning Center Inc. sa Davao region.
Sumala ni Jay Apiag Karapatan Southern Mindanao Region (SMR) Secretary General, alegasyon lang nga ang mga eskwelahan sa lumad gigamit nga recruiting ground sa New Peoples Army (NPA).
Matud ni Apiag, dili na kini bag-ong isyu nga gipahid sa gobyerno tungod kay dugay na kini nga propaganda.
Samtang giklaro usab ni Apiag nga ang nahisgutang mga tulonghaan adunay permiso gikan sa kagamhanan ug daghan na ang nakagraduate ug ang uban niini nahimo nang mga voluntary teachers sa maong mga tulonghaan.
Gitataw pa ni Apiag nga nasayud ang Department of Education nga ang kurikulom niini anaa ilawom sa alternative education program.
RadyoMaN Bernard Pantallon
