General Santos City—Anaa na ilawom sa state of decomposition dihang nakaplagan ang lawas sa biktimang si Aleo Asare, 47 anyos usa ka Stylist nga taga Christian Vill., Barangay Calumpang, Gensan alas 4:45 ang takna sa hapon niadtong adlawng Sabado sulod mismo sa boarding house niini.
Subay sa report sa Tambler PNP, uwahing nakit-an ang biktima sa iyang boarding house niadtong Petsa 26 ning bulana, natingala nalang ang mga boardmate niini human nga wala nila kini makit-an suldo sa duha ka adlaw.
Nagduda ang mga ka-boardmate sa biktima human nga aduna silay natimahuang grabe ka baho gikan sa kwarto sa nasampit mao nga ilang gisuta ug didto nakit-an ang patayng lawas sa biktima.
Sa pag-imbistigar sa kapulisan wala man silay nakit-ang foul play sa kamatatyon sa nasampit ug gituohang namatay gikan sa sakit ang maong biktima.
