General Santos City–Dead on the spot ang bomber ug sub-leader sa Dawlah Islamiyah Maguid Group human kining misukol sa kapulisan ug miltar atol sa gihimong operasyon, sulod sa usa ka inn sa Barangay Saliao, Esperanza, Sultan Kudarat.
Sumala kang Police Lt. Col. Lino Capellan, tigpamaba sa Police Regional Office 12 nga gikatakdang magserve ug warrant of arrest ang kapulisan ngadto sa target nga si Jazzer Nilong gumikan sa kasong frustrated murder, apan una matud pa niyang gipabuthan ang operatiba rason nga kini nabalusan.
Narekober gikan sa nahimutangan sa suspek ang usa ka kalibre 45 nga armas nga may mga buhing bala, mga materyales sa paghimo ug bomba sama sa 60mm nga bala sa mortar, rifle grenade, electric blasting cap, battery ug duha ka improvised non-electric blasting cap. ingon man mga sachet sa gituohang shabu.
Dugang pamahayag ni Capellan nga bisan pa man ug ubay-ubay na nga mga lider sa Nilong o Maguid Group ang napatay sa operasyon, padayon gihapon nga ginamonitor sa kapulisan ug militar ang ilahang presensya. Dako man usab ang pagtuo niini nga medyo naghuyang na ang maong grupo gumikan nauna ng namatay sa managlahing operasyon ang mga miyembro niining nagahimuan ug bomba. Sa karon, hugot matud pa nilang gina-monitor ang lihok sa Dawlah Islamiya sa rehiyon ingon man ang uban pang grupo nga bahad sa siguridad.(LVR)
