Davao City – Gipahimangnoan karon sa Committee on Health sa Konseho ning dakbayan partikular na ang gitawag nga mga ‘gated communities’ nga pabakunahan gayud ang ilang mga anak kontra Type 2 polio.
Gibutyag ni Committee on Health chairperson City Councilor Mary Joselle Villafuerte nga adunay nga nanimuyo sa mga subdivision nga nidumili sa pagpabakuna sa ilang mga kabataan sa unang round sa ‘Sabayang Patak Kontra Polio’ sa syudad.
”Dapat i-stress sa kanila (that) this is (a) different vaccine and (that) this is for Type 2 polio virus… kailangan natin lahat bigyan at no exemptions,” pasidaan ni Villafuerte.
Planong ipatawag ni Villafuerte ang tanang mga presidente sa mga subdivisions sa syudad uban ang mga health sector representatives aron kumbinsihon sa dakung importansya sa bakuna sa kaluwasan sa mga kabataan.
Matud ni Villafuerte, magmontar ang Philippine Pediatric Society diha sa mga pribadong ospital og designated areas alang sa libreng polio immunization subay sa nasudnong programang pagluwas sa kabataan gikan sa peligrong hatod sa polio.
RadyoMaN Aimee Guinita
