General Santos City—Anaa na matud pa sa kamot sa mga konsehal sa syudad
sa Gensan ang pag aproba sa subling operasyon sa STL kon Small Town Lottery
sa syudad sa dakbayan. Kini ang nahimong pamahayag Gloria Ybañez, ang
Department Manager sa PCSO Mindanao human ang gipahigayun nga committee
hearing sa Sanguniang panglungsod sa pagpanguna ni GenSan City Councilor
Atty. Franbklin Gacal Jr., Chairman sa Committee on Games and Amusement.
Sumala pa ni Ybanez nga ilaha nang gihatag ang tanang responsibilidad sa
pag aproba sa ilahang aplikasyon ngadto sa mga konsehal ug mag hulat sa
mamahimong resulta.
Dugang pa niini nga ang PCSO ang andam matud pa nga mutabang sa katawhan
dili lang sa syudad lakip na usab ang kinatibuk-ang probinsya sa South
Cotabato hinungdan nga gikinahanglan matud pa nga magkahiusa ang
pangamhanan ug ang PCSO sa ilahang mga tumong ug tinguha nga matabangan ang
mga kabus.
Samtang mag sunod lang usab matud pa sa IRR kun Internal Rules And
Regulation ang PCSO kabahin na sa pag bahin sa kita sa STL ug dili nila
kini pwede nga pangunahan kini human nga gi-kwestyon kini Kagawad Gacal.
(Dave Silagan)
