*General Santos City— Gi-angkon ni Gensan City Mayor Ronnel Rivera nga na-sakripisyo gyud ang pagpatrolya sa kapulisan alang sa peace and order gumikan sa pagbatok sa COVID-19.*
*Pamahayag niya nga gumikan sa gihimong lakang sa lokal nga panggamhanan aron mabatukan ang pagkatag sa COVID-19 sa dakbayan, wala nahatagan ug pagtutok ang kriminalidad hinungdan nga mitaas ang krimen hilabina ang kaso sa pagpamusil.*
*Dismayado matud pa siya tungod niini ug nauna ng gipatawag ang atensyon ni Police Col. Aden Lagradante, City director sa Gensan City Police Office bahin niini, ug sa adlaw’ng lunes, aduna nay rekomendayson ang pamunuan sa GSCPO.*
*Dugang pamahayag ni Mayor Rivera nga higayon nga magpadayon ang mga patay sa Gensan ug iyaha ng ginakonsidera nga ibalik ang mga clustered checkpoint apan dili ang barangay clustering.*
*Pag-angkon ni Mayor Rivera nga dihang gipa-ilalom pa sa GCQ ug ECQ ang Gensan, ubay-ubay nga mga checkpoint ang anaa sa matag barangay hinungdna nga maglisod sa paghimo ug krimen ang mga kriminal.*
*Apan sa karon, tungod gitanggal na ang mga checkpoint sa matag barangay ug mas gihatagn ug pagtagad ang mga border checkpoint, nisaka gyud ang krimen sa dakbayan.*
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
