Pilar, Capiz- Yara na subong nakahunong sa karsel sang Pilar PNP ang 58-anyos nga ugangan nga naglabo sa maoy sini nga umagad alas singko y medya sang hapon sa Brgy. San Esteban Pilar, Capiz.
Ginkilala ang biktima kay Marlon Valia y Salcedo,35-anyos ang pang-edaron kag ginabulong sa Sara District Hospital matapos nga nag-angkon sang pilas sa ulo.
Nagaguha sa inisyal nga imbestigasyon sang mga kapulisan nga hubog nga nagkadto sa poluy-an sang iya ugangan ang biktima. Ini ang nagsinggitan kag ginbuno pa ang ugangan nga babaye nga ginkilala kay Adelaida Alonzo y Villasin,52-anyos nga napilasan sa iya tudlo.
Diri na naggabot sang dala nga sanduko ang suspek nga si Mamerto Alonzo y Bacanto,58-anyos kag ginlabo ang biktima nga naigu sa iya ulo.
Gilayon nga nalagyo ang biktima sa mabukid nga porsyon sang Brgy. San Esteban, Pilar apang sang ulihi ini ang nahibaluan nga nagpabulong sa Sara District Hospital.
Boluntaryo naman nga nagsurrender sa mga kapulisan ang suspek.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
