Yours Truly iFM October 24, Thursday

12

Yours Truly iFM
October 24, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)

Dear iFM,


Maayong hapon mga bestfriends!

Pirmi gid ako nagapamati sa inyo programa kada hapon samtang nagapahuway-huway.

Tawga niyo lang ako kay Auring, indi ko matuod nga pangalan, 60 years old kag nagapuyo diri sa Guimaras.

Ang problema ko parte sa akon apo nga babaye kag sa iya nga live-in partner. Pirti ka palahubog kag kapintas sang iya nga live-in partner.

Gusto ko gid tani i-report sa pulis ang iya ginahimo sa akon apo pero ang mismo nga apo ang nagapakitluoy nga indi na lang kay maayo man kuno ang iya live-in partner kung indi hubog.

Pero indi ko gid maaguwantahan tan-aw ang akon apo kung may mga lagob siya sa iya kalawasan.

Indi man sa nagapanghilabot ako sa ila pero gusto ko na gid nga tapuson ang ila relasyon kay naluoy na gid ako sa akon apo.

Galibog ang ulo ko kung ano ang akon himuon.

Kinahanglan ko gid ang inyo advice.

Yours Truly,

Auring

Facebook Comments

From Advertisers