Sulay nga pag-ambak sa billboard sa usa ka lalaki, nakadugang sa grabeng ka traffic sa CdeO

Nakadugang sa grabeng ka traffic sa Cagayan de Oro ang sulay nga pag-ambak sa billboard sa usa ka lalaki.

Mga alas 11:26 kaganihang buntag, gihimo sa mga otoridad ang rescue operation human nisaka sa billboard ug nisulay pag-ambak si Rogelio Abismo, 40 anyos, ulitawo ug taga Barangay Consolacion ning syudad.

Ang billboard naa nahimutang sa overpass sa CM Recto Avenue ning syudad nga usa sa mga lugar diin gakasinate ang grabeng ka traffic kay daghan ang mga malls.

Matud sa manghud niining si Hetler Abismo nga upat ka adlaw nang wala nakatulog ang iyang magulang kay nagsige ra og inom.