SUMA TOTAL SA STRAIGHT TO THE POINT: CHECK-AND-BALANCE

18

Davao City-Husto lamang ang sugyot nga reviewhon pag-usab ang aktwal nga binuhatan sa Commission on Human Rights ug uban pang mga partylist groups kinsa dayag na lang nga kritikal sa pamunuan itandi sa mandato kun gilatag nga tahas niini.

Nagtoo ako sa balor kun merito sa check-and-balance ubos sa sistemang demokrasya haron ang mga anaa sa poder dili magpasulabi apan otra cosa kun kining watchdog mandate abusohon usab mismo sa gitahasan niini ubos sa atong Konstitusyon sa nasud.

Kun tinud-anay ang CHR ug partylist organizations sa pagprotehir ug pagpanalipod sa tawhanong katungod sa tanan, angay kining mokondena sa kamatayon sa mga awtoridad kinsa nagmatinud-anon lamang sa ilang mga kargo apan makabsan sa kinabuhi in the line of duty ug dili kay magsige’g paghut lamang murag irong buang sa mga akusasyong human rights allegation kontra sa mga state actors.

Kun tinud-anay ang maong komisyon ug kining mga anti-government partylist groups nga iisa ang bandila sa right to life sa tanang tawo, angay niining barugan nga kada kamatayon dakung kalapasan sa inherent basic right sa usaka lungsuranon nga mabuhi nga hilway ubos sa landong sa maayong panggobyerno.
It leaves a bad taste in the mouth when CHR or the so-called partylist representatives only probe the alleged misactuation of those in power while they remain visibly silent on victims on the side of law enforcers ngano kaha.

Kun dili nila kini buhaton, matawo gayud ang dakung pagduha-duha sa tawo sa ilang kredibilidad, integridad ingon man impartiality ug basin unya’g matawo usab ang duda nga sila ‘namamangka sa dalawang ilog’ pinaagi sa paggamit sa pondo o kwarta sa tawo haron lutoson ang gobyernong gibutang ra usab sa susamang hut-ong sa katawhan.

Kasamang June Duterte

Facebook Comments