Davao City – Gihagit nato karon ang National Food Authority ug ang Department of Agriculture nga gukdon ang tanang mga bentahosong negosyante kun cereal traders kinsa nagpalisud sa daan nang maut nga kahimtang sa atong mga pobre uyamot ug timawa nga katawhan sa katilingban.
Gihagit nato kining duruha ka mga nag-unang ahensiya sa gobyerno nga mobarug alang sa interes sa tawo ug dili sa benepisyo sa mga gamhanan ug ma-impluwensiyang magpapatigayon sa bugas.
Alang nako, dakung sala – dakung pagtraydor sa interes sa tawo ang gihimong pagtipig sa supply sa bugas sa mga hakug nga negosyante. Nagpakita lamang kini nga walay sukod ang ilang gugma sa salapi, sa nanghingapin nilang gugma alang sa pagkamar ug dugang ginansiya ug bahandi – bisan kun nagpasabot kini nga ang bugas nga ihungit na lamang unta nato sa atong mga baba ila pa gyud nga ilogon aron mas modaku ang ilang ginansiya ug kita.
I challenge officials of the NFA in Davao and the DA to get out of the comforts of your airconditioned offices and inspect all the warehouses in Davao haron atong masuta kun wala bay hitabo denhe susama didto sa Barangay Sinawal, General Santos City diin mga NFA stocks gitaguan sa bodega haron isagul sa commercial rice variety aron mas modaku ang ilang kabig nga ginansiya.
I also challenge our lawmakers to conduct an investigation kalabutan sa mga seryosong alegasyon nga presensya sa rice cartel, rice smuggling ug uban pang hocus-pocus diha sa atong supply sa bugas alang sa atong katawhan.
Ipakita ninyo sa tawo nga wala kami masayop sa pagsalig nganha kaninyo ug nga dili anugon ang sweldong inyong ginadawat gikan kanamong mga nagbagu ug nagbaguod nga taxpayers kun mga magbubuhis kinsa maoy nagbuhi kaninyo, sa tinood lang.
Tagai mi ninyo’g gobyernong alang sa pobreng tawo, dili alang sa negosyanteng adunahan. Kun dili ninyo na kaya, pang-resign mo! Ayaw na ninyo hulatang si Pres. Rodrigo Duterte pa ang makadiskubre sa anomaliya sa inyong tugkaran ug mao pay mosipa kaninyo sa pwesto kay mas makauulaw kana nga senaryo!
RadyoMaN June Duterte
