RMN Laoag — Umabot iti 35 a Micro Small and Medium Enterprises wenno MSME’s ti nakipartisipar iti “MSME’s Summer Trade Fair” iti Robinson’s Place, San Nicolas, Ilocos Norte.
Segun ken ni Ms. Rosario Quodala, OIC – Provincial Director, DTI Ilocos Norte adda pay dagiti MSME’s manipud iti sabali a probinsia a nakipaset iti daytoy nga aktibidad.
Kuna ni Quodala a ti maisaysayangkat a “trade fair” ket mangrugi iti Abril otso idinto nga alas kuatro ti malem iti Abril katorse a maiyuswat met ti pangrikep a programa.
Naruay a lako ti naidisplay ken kaadduan kadagitoy ket prudokto ti Ilocos Norte kas ti Inabel, Binakol, Kape, Dragonfruit by products ken nadumaduma a klase ti mula.
Masarakan daytoy pwestoda iti main building ti nasao a Mall.
Bernard Ver, RMN News
