Sa interview sa DXDC RMN Davao kang Police Major Joel Caesar Cabe, ang hepe sa Kapalong MPS, giila ang mga biktima nga mao sila Felix Lantapon, 50 anyos, Eugene Superable, 45 anyos ug ang nakalas nga si Diether Lagare Superable, 19 anyos.
Gipasabot sa hepe nga ang sundalong giilang si Sergeant Christopher Saranillo, miyembro sa Philippine Army nga nadestino sa 60th IB, Dona Andrea, Asuncion, Davao del Norte, person of interest pa lang nga mao karon ang ilang giimbestigahan.
Sumala matud pa sa pamahayag sa usa ka biktima, nangatulog na sila niadtong tungora dihang nanuktok ang maong sundalo aron mangayo og tubig apan, sa walay pagduha-duha gipamusil sila.
“Ang condition sa victim, niadtong petsa 8 nag-conduct mi og autopsy unya gahapon gilubong ang isa. Duha man sila natamaan, ang usa naa pa sa ospital,” butyag sa pulis.
Samtang sa kumpirmasyon sa Facebook post sa pamilya, hustisya ang panawagan karon sa kabanay ni Diether Superable kinsa nakabsan gayud sa kinabuhi human nakahiagom og daghang samad pinusilan sa lain-laing parte sa iyang lawas.
Sa karon, gipalawman na sa kapulisan ang imbestigasyon aron makumpirma ang suspect ingon man ang motibo sa krimen.
RadyoMaN Ivy Parido
