Patay nang nakit-an sulod sa iyang opisina sa Camp Evangelista, Brgy. Patag ning syudad ang 43 anyos nga si Technical Sergeant Rogelio Asuncion, nga taga-Negros Occidental ug finance officer sa Liason Office sa 58th Infantry Battalion Philippine Army nga ubos sa 4th ID, Philippine Army.
Gituhoang naghikog ang biktima sulod sa kampo kaganinang mga alas kwatro kapin kon kulang sa kadlawon pinaagi sa pagpusil sa iyang kaugalingon.
Apan gipahayag ni Police Staff Sergeant Hernade Abalde, ang imbestigador sa Carmen Police Station nga aksidente ang pagkamatay ni Asuncion.
Dugang pa ni Abalde nga aksidente ang pagkamatay sa maong sundalo tungod kay anaa sa dughan ang igo niini.
Gibutyag niining posibleng naghinlo ang biktima sa iyang armas ug aksidente kining nakablit.
Narekober usab sa area ang usa ka basyo nga gikan sa kalibre .45 nga armas.
Samtang, Nakaabot na kang Captain Leoden Bajado ang pagkamatay sa ilang liason officer nga si Rogelio Asuncion.
Matud ni Captain Bajado nga iya ng nadawat ang imbestigasyon sa kapolisan apan sa ilang kabahin ila pang tan-awon kung adunay laing hinungdan sa kamatayon ni Asuncion.
Dili pa ni Bajado nga trabaho ni Asuncion ang pag-assist sa mga sundalo kung adunay mga kulang nga requirements, aron nga makaproseso sa dokomento.
Gawas niini, trabaho usab niini ang pagproseso sa mga sweldo ug allowance sa mga sundalo sa 58th IB.
