Sangko sa langit ang pagmahay sa mga sundalo nga sakop sa 26th IB Phil. Arym sa dihang gidagit sa maanyag nga dalaga ang iyang 24 mil pesos nga kwarta nga gi-loan sa Armed Forces and Police Savings & Loan Association, Inc. (AFPSLAI).
Sa report sa Police Station 1, gikan nag-inom sa Woodstock ang wala panganli nga mga sundalo nga adunay ranggo’ng Private First Class (PFC) ug milahus sila sa North Montilla Boulevard duol sa SJIT kung diin naka-pick up sila ug tulo ka mga maanyag nga dalaga.
Sa dihang nagkasinabot na sa bayad nga tig 1,300 pesos ang matag usa, nagtagsa ang tulo ka mga sundalo ug gilayon mi-check in sa Pension House sa JC Aquino Avenue.
Tungod sa kakapoy human ang labo-labo nga kumbati sa kama nakatulog ang usa ka sundalo apan sa iyang pagmata nawala na sa iyang tapad ang babaye ug nahanaw na usab ang kwarta nga gibutang sa iyang bag nga nibalor sa 24 mil pesos.
Daling midangop sa Police Station 1 ang tulo ka mga sundalo aron imbistigahan ang insidenti ug padayong gipangita ang tulo ka mga babaye apan hangtud karon pakyas ang kapulisan sa pag-ila sa mga suspek.
Sa karon igu nalang sa pagmahay ang tulo ka mga sundalo sa ilang gidangatan dinhi sa dakbayan sa Butuan.
Photo grabbed from google.
Sent from my Samsung Galaxy smartphone.
