South Cotabato – gikawat sa wala pa mailhing suspek ang motorsiklo sa usa ka sundalo samtang kini giparking lang sa mga nahisgutan sa usa ka resort nga nahimutang sa Barangay Poblacion, Lake Sebu.
Sa report sa Lake Sebu PNP nasayran nga gabie niadtong Hulyo 30, 2017, nag lingaw lingaw ang sundalo nga si Private First Class Bryan Villamor, 26, miyembro sa 27th Infantry Battalion, Philippine Army sa may Tolentino Lake resort nga nahimutang sa Sitio T’koful, Barangay Poblacion, Lake Sebu.
Human sa pila ka oras, muuli na unta ang nahisgutan apan dako iyang kakurat dihang nawagtang na ang iyang XRM 125 nga motosiklo kolor itom.
Iya pa kining gipangita apan wala nagyud niya hikaplagi hinungdan nga siya midangop sa buhatan sa kapulisan.
Gilayon nga naghimo ug imbistigasyon ang Lake Sebu PNP apan wla nagyud makit-an ang motorsiklo.
Hinuon gilayon nga giflash alarm sa kapulisan ang motorsiklo sa sundalo sa mga kwerpo sa kapulisan sa kasigbit nga lugar sa pamasin nga kini makit-an pa ug marekober.
