South Cotabato – dakpan ang usa ka sundalo nga dunay kasong kalapasan sa Republic Act 9262 (Anti-Violation Againts Women and Their Children’s Act of 2002), atol sa gihimong operasyon sa kapulisan niadtong nakalabayng adlaw sa Purok Supon, Barangay San Jose, Koronadal City.
Giila ang sundalo nga si PFC Jomar Pateña Vildosola, 26, miyembro sa 2nd RSOD Platoon, 212 THMC MBLT-12, Philippine Marine Corps nga nakabasi sa Camp Daypo, Barangay Abuabu, Sofronio Espinola, Palawan ug residenti sa Purok Supon, Barangay San Jose, Koronadal City.
Nadakpan ang nasangpit pinasikad sa warrant of arrest nga una nang gipagula ni Honorable Judge Renato V. Tampac, sa 11th Judicial Region, Branch 25, Koronadal City.
Wala na mipalag ang sundalo human nga gipresentar ngadto kaniya ang warrant of arrest sa kasong iyang giatubang.
Sa karon balhog na sa silda sa kapulisan ang nahisgutan ug commitment order nalang ang gipaabot aron nga mabalhin na kini sa South Cotabato Reformatory Center, apan mamahimo niining maangkon ang temporaryong kagawasan higayon nga kini makapyansa kantidad ug P80,000.00.
