General Santos City–Gi-angkon ni Atty. Arnel Zapatos, City Administrator ning dakbayan sa Gensan nga una ng nasabutan sa local IATF uban ang mga Kapitan sa syudad nga tanggalon na ang implementasyon sa Sunday No Movement.
Matud niya nga dako ang posibilidad nga hangtod nalang sa katapusn sa bulan sa Nobyembre ang implementasyon sa maong lakang. Apan gibutyag niya nga kini magadepende gihapon sa response sa publiko ug siya nagtuo nga kung magtinabangay ang katawhan, dili na mosaka pa ang kaso sa covid- 19 sa dakbayan.
Pamahayag ni Atty. Zapatos nga gawas sa Sunday No Movement, lakip sa mga nahisgutan mao ang pag-adjust sa ginapatuman nga curfew gikan alas 10:00 sa gabii ngadto alas 4:00 sa kadlawon.
Subay matud pa sa uwaheng meeting sa local IATF, dili pwedeng pasagdan ang ekonomiya rason nga may mga negosyo ng gitugutan ilalom sa MGCQ, tugutan na ang mga establishemento nga mag-abli hangtod alas 12:00 sa tungang gabii. Nasayran nga lakip sa na-aprubahan sa local IATF mao curfew nga magsugod ug alas 12:00 sa tungang gabii ngadto na alas 4:00 sa kadlawon.
Kalabot niini, gibutyag ni Atty. Zapatos, nga labing gikinahanglan gyud ang paggamit sa QR Code, TAPAT man, South Cotabato CTS, Malungon CTS ug uban pa. Kini alang sa mas paspas nga pagpahigayon ug contact tracing ug malimitahan ang pagpahigayon ug zonal lockdown. Awhag usab niini sa mga establishemento nga mag-implenetar ug QR code scanning para sa tanang mga bisita o kliyente. Samtang gi-angkon ni Atty. Zapatos nga sa karon, sagad gyud sa mga nataptan sa covid-19 mao ang mga essential worker edad 20 ngadto 50 anyos.(LVR)
