Halos maabo ang isa ka boarding house nga ginapanag-iyahan sang isa ka Purok President matapos kaunon sang kalayo pasado alas 4 sang Dominggo sang hapon, Abril 22 sa Prk. Sampaguita, Brgy. Zone III, Koronadal City.
Base sa imbestigasyon sang Bureau of Fire Protection sang Koronadal, ginapanag-iyahan nanday Mr. and Mrs. Ma. Nida Balome, 71-anyos kag residente sang nasambit nga lugar.
Dugang pa nga bag-o nagluntad ang sunog, yara sa sulod sang boarding house kanday Ms. Joy Flores, 29-anyos, dalaga, kagr esidente sang Matina, Pange, Davao City kag Mr. Julius Salawa Barang, 22-anyos, soltero kag residente sang Sitio Alah, Brgy. Lamhaku, T’Boli, South Cotabato sa diin nakaangkon ini sang pilas sa agtang.
Ginabulubanta yara naman sa P32,000.00 ang natuga nga danyos sa nasambit nga sunog. Samtang padayon pa ang imbestigasyon sang BFP kon ano ang ginhalinan sang nasambit nga sunog.
