Naglab-ot tanan sa 33 ka mga pamalay ang natupok sang kalayo sa nagluntad nga sunog kagab-i sa Barangay Boulevard, Molo kag portion sang Barangay West-Habog-habog, Molo.
Sa nasambit nga numero, 27 ka balay sa Boulevard ang totally gutted kag 3 ang partially damaged samtang sa West Habog-habog, duha ang totally gutted kag isa ang partially damaged.
Naghalin sang kalayo sa puluy-an ni Andot Buenavista kopn sa diin isa sa ginalantaw nga kabangdanan sang sunog amo ang electrical.
Temporaryo nga ginbutang sa Day care center sang Barangay Boulevard ang mga naapektuhan sang sunog kon sa diin gilayon man nga ginhatagan ang mga ini sang family food packs.
Suno kay Merlyn Hizon, City Social welfare and development officer 3 nga gilayon man nga iga-proseso sang barangay ang mga papeles sang mga nasunugan agud mahatagan ang mga ini sang financial assistance sang City government.
