Davao City – Misilaob ang usa ka panimalay alas-3:47 karon lang kaadlawon kinsa gipanag-iyahan sa usa ka Laysa Santos nahimutang sa Purok 6-A, sakop sa Brgy. 31-D siyudad sa Davao.
Sa gihimong pakighinabi sa DXDC RMN Davao ngadto kang Pet Refuerso, usa sa nakakita sa sunog, tulo na ka adlaw nga walay tao ang maong balay gani nakurat nalang ang mga residente kaganinang kaadlawon sanglit kalit miulbo ang kalayo gikan sa gawas sa bongbong sa maong balay.
Hinoon daling napalong ang pagkuyanap sa sunog pinaagi sa pagtinabangay sa mga silingan diin duloy ra sab sa baybay kini nahimutang.
Dako ang pagduda sa mga residente nga gituyo og sunog ang maong balay gumikan kay sa gawas kini nagsugod.
Sa pagkakaron wala pa mabaw-i unsay tinuod hinungdan sa maong sunog.
RadyoMan Don Pulayao
