Tukuran, Zamboanga del Sur – Laing insidente sa sunog ang niulbo sa lungsod sa Tukuran alas 7:50 kagabii partikyular sa Brgy. San Carlos sa nahisgutang lungsod.
Sa interview sa RMN Pagadian kang Police Inspector Roel Japay ang hepe sa Tukuran PNP, niabot sa 15 minutos nga nakigbugno sa kalayo ang mga kabomberohan una kini nakontrola.
Daling nakaresponde sa elemento sa BFP Tukuran sa dapit nahitaboan dihang gipahibalo sa kapulisan ang maong insdente.
Nasayran nga nagsugod ang kalayo sa kusinang bahin sa balay ni Delia Narvais og swerte nga wala na kini makakatag bisan og gama sa light materials kay duol raman sa usab sa lugar ang buhatan sa BFP Tukuran.
Gabana-bana nga moabot sa P10 mil ang naugdaw nga gamit og walay gikataho nga samaran sa maong hitabo.
Gisuta pa sa imbestigador ang sinugdanan sa kalayo.
