SIPALAY CITY – (2nd Update) Kapin sa 3 milyones pesos nga balor sang propiedad ang ginlamon sang kalayo pasado alas 6 kagab-i sa Brgy. San Jose, Sipalay City.
Natupok gid ang commercial establishment nga Rolets Store nga ginapanag-iyahan ni Nepomuceno Bolao, residente sang amo nga lugar. Lakip sa nasunog ang ila grocery store, bakery, refreshement subong man ang ila puluy-an nga yara sa second floor.
Suno kay Sipalay Senior Fire Officer – Manuel Casuyon nga nasunog gid ang kabilugan nga ‘mercantile’ sa diin ila gina-lantaw diri nga ‘electrical in nature’ ang rason sang pagluntad sang kalayo.
Pasado alas-8:20 na sang gab-i sang ma-fire out ang amo nga sunog sa diin wala naman ini naglapta sa mga kaingud nga balay. / Sipalay CDRRMO photo
