South Cotabato- Nasunog ang usa ka lawak sa buhatan sa Commission on Audit Regional Office-12 nga nahimutang sa Barangay Paraiso, Koronadal City kaganinang kabuntagon.
Sa report nga gipagula sa Bureau of Fire Protection Koronadal, nasayran nga alas 4:00 pasado ang takna kaganinang kabuntagon dihang nakit-an nalang sa security guard sa maong buhatan nga nagkalayo ang usa ka lawak mao nga gilayon kining mitawag sa BFP-Koronadal.
Paspas usab nga naapula sa mga bombero ang sunog ug malampusong napugngan ang pagkatag sa kalayo.
Nagpadayon usab ang gihimong imbistigasyon sa BFP-Koronadal sa posibling hinungdan sa maong sunog.
Facebook Comments
