General Santos City— Tulo pa lang ka mga kaso sa pagpamusil-patay ang kumpirmadong gikalambigitan sa suspek nga si John Cavan nga una ng nadakpan sa tropa sa Police Station 6 sa may Digos City milabay’ng semana.
Sumala Kang Police Senior Superintendent Raul Supiter, City Director sa Gensan City Police Office nga si Cavan maoy suspek sa pagpatay sa market inspector nga si Ricardo Joelin, empleyado sa Phillipine Port Authority nga si Danilo Perez ug suspek usab sa pagpusil-patay kang PO2 Glen Alicarte milabayng bulan sa Marso.
Pamahayag ni Col. Supiter nga human madakpan ang suspek, ilaha karong gilauman nga madugangan pa ang maong mga kaso kung asa ang mga insidente ang nahitabo matud pa ug buntag.
Dugang pamahayag ni Col. Supiter nga sa karon ilaha pang ginapabot ang resulta sa gipahigayong cross matching sa ebidensyang narekober sa mga pagpamusil sa dakbayan. Lakip matud pa sa gipa-ilalom sa eksaminasyon mao ang armas nga nakuha gikan sa iyahang posisyon dihang kini maaresto. Samtang ginasuta pa kung aduna pa siya’y ubang kaso nga gikalambigitan.
Basi sa inisyal nilang imbestigasyon, gikan sa syudad sa Davao ang suspek ug miadto dinhi sa dakbayan ug misulod isip trabahante sa factory apan nahilambigit sa mga patay.
Kalabot niini, ginasuta pa sa kapulisan kung miyembro sa usa ka organisadong grupo ang suspek ug kung si kinsa pa ang mga kaubanan niini kung asa aduna matud pa kini giiangkon ngadto kaniya.
Apan iyaha matud pang gimay-mayan nga unsa man ang iyahang nasayran mas maayong kini ang iyahang isulti sa korte. Sa karon ang suspek ang na-commit na sa Lanton Reformatory Center. Gikalipay man usab ni Col. Supiter ang pagkasikop sa suspek gumikan nahatagan ug hustisya ang mga nahimo niining biktima.
