General Santos City— Dakpan sa gipahigayong buybust operation sa hiniusang pwersa city drug enforcement unit ug PDEA 12 ang usa ka ginang gikan sa Cotabato ala una pasado ang takna sa hapon sa may DARBCI extension, national Highway, Brgy. Apopong ning dakbayan.
Giila ni Police Inspector Renator Dungca Jr. Labaw sa CPDEU ang suspek nga si Bengan Pangilayan, hamtong ang pangidaron nga taga Cotabato kung asa nakuha gikan sa posisyon ang gibana-banaang duha ka kilo nga marijuana ug usa ka libo ka pesos nga marked money.
Sumala pa nga ang suspek ang gikonsiderang supplier sa marijuana sa dakbayan basi na usab sa pamahayag sa ilahang mga naunang nadakpan. Dugang pamahayag ni Inspector Dungca nga makonsiderang high value target ang suspek kung basihan ang dala niining marijuana.
Samtang gibutyag niya nga wala sa ilahang tagret list ang suspek nga pangilayan ug ilaha pang ginasuta kung anaa kini sa watch list sa pro 12 o sa cotabato pnp. Kasong pagsupak sa r.a 9165 ang atubangon sa suspek nga kasmatangang balhog sa lock up cell sa police station 2.
Giangkon man usab sa suspek nga si Bengan Pangilayan nga nasayud siya nga marijuana ang iyahang dala gikan sa midsayap apan wala na matud pa niya gitan-aw kung unsa ka daghan.
Pamahayag niya nga kini ang unang higayon nga iyahang nahimo ang paghatud ug illegal nga droga gumikan sa kalisod sa iyahang panginabuhi. Usa matud pa ka nagpangalan ug niko nga residente sa dakbayan ang iyahang kauban nga naghatud ug droga ngadto sa ilahang ka-transaksyon nga pulis.
