BACOLOD CITY – Tigayon nga madakpan ang ginatudlo isa sa mga supplier sang shabu sa Bacolod sa ginpatigayon nga buy bust operation sa Purok Tahong, Barangay 2, syudad sang Bacolod.
Ang subject sa drug raid amo si Michael Piñoso, alias Boy Yawa, 22-anyos, residente man sang nasambit nga lugar.
Suno sa hepe sang Police Station 2 – Police Chief Insp. Benedicto Villarias, madugay na nila nga gina-surveillance si Piñoso apang kagapon lang hapon ila na-timingan nga madakpan.
Dugang pa ni Villarias, yara sa watchlist bilang street level target si Piñoso sa diin na-recover sa iya ang apat tanan ka sachet sang suspected shabu.
Gina-deny naman sang suspek ang alegasyon nga supplier ini sang shabu sa diin naga-serbe gid lamang ini nga collector.
Facebook Comments
