Pagadian City – Gitangtang sa National Food Authority (NFA ) Region 9 ang kabalaka sa publiko ilabina sa nagkunsumuhan sa NFA rice nga mahutdan og supply sa mas barato nga bugas sa Zamboanga Peninsula.
Sa interview sa RMN Pagadian kay NFA Regional Director John Robert Hermano, gibutyag niini nga dili angay mabalaka ang publiko kay bastante pa ang supply sa bugas sa tibook rehiyon ug padayon usab ang ilang pagpamalit sa mga humay gikan sa mga mag-uuma.
Nanawagan usab si Hermano sa mga mag-uuma nga suportahan ang NFA bisan mas ubos ang ilang presyo kumpara sa mga pribadong nga negosyante nga nangumpra og tipasi.
Gipadayag usab ni Hermano nga una nilang gisuplayan ang mga lugar nga naigo sa kalamidad sama sa probinsya sa Zamboanga del Norte nga naapektohan sa bagyo.
