General Santos City–Aminado si Police Lt. Col. Aldren Gonzales Spokesperson sa Police Regional office-12 nga mas niubos gyud ang supply sa iligal nga droga dili lang sa Gensan kon dili sa tibuok rehiyon.
Matud pa ni Gonzales nga kung ikumpara kaniadtong wala pa milingkod sa posisyon si Pangulong Rodrigo Duterte mas nigamay gyud ang supply sa droga karong panahuna.
Kini gumikan na usab sa mas gipahugtang kampanya sa gobyerno batok iligal nga droga. Aminado usab si Gonzales nga aduna pa gyud mga tawo nga nagapalusot ug illegal drugs.
Gani sa kasamtangan sa tubig na ginaagi sa mga sindikato sa iligal nga droga ang ilang supply aron nga dili madakpan.
Apan tungod sa pagtinabangay sa kumunidad ug sa kapulisan ingon man sa uban pang law enforcement unit, duna nay mga nangadakpan ug duna na usay nakumpiskang mga illegal drugs nga giagi sa kadagatan.
