Davao City- Aminado karon ang Philippine Coconut Authority (PCA-XI) nga dako shortage kun kakulangon sa supply sa lubi dinhi sa Rehiyon Onse.
Matud ni Rhoie Recla, PCA information officer nga kini gumikan sa nagkataas nga demand sa mga raw materials sa pribadong sektor.
Segun sa Cocolink, ana sa tres milyones metriko tonelada sa entero Mindanao ang shortage sa coconut supply.
Sumala ni Recla nga gumikan gamay lamang ang budget nga madawat nila gikan sa gobyerno, kulang gayod ang matanum nga mga punuan sa lubi sa Davao Region.
Matud ni Recla nga sama sa Franklin Baker, anaa sa usa ka milyon ka mga matured coconuts ang ilang ginakinahanglan kada adlaw.
Bisan pa man kun ang entero rehiyon onse adunay 447,000 ka ektariyas sa luna nga gitamnan ug lubi, kulangon gihapon kini sanglit anaa lamay 62 ka mga buko nga ma-harvest on the average sa kada punoan matag tuig.
Sumala ni Recla nga usa sa ilang gilauman mao ang nga paghidangat sa dugang alokasyon sa budget maggikan sa coco levy funds aron makatanom pa sila og daghang mga punuan silbing solusyon sa deficit nga ginakinahanglang atimanon sa coconut industry.
RadyoMaN Aimee Guinita
