Nahidangat na sa National Food Authority (NFA) sa Agusan del Norte ang duha ka klase sa bugas, ang Vietnam rice ug Thailand rice, nga alokasyon sa goberno alang dinhi sa probinsya. Mokabat sa 22 thousand bags sa Vietnam rice ug 32 thousand bags usab sa Thailand rice ang gi-alokar alang sa Agusan del Norte, kung diin mapalit sa presyo nga 28 kilos ug 32 kilos, mao’ng kampanti si NFA Agusan del Norte Asst. Provincial Manager Fe Mordeno nga adunay igung suplay sa bugas sa tibook probinsya.
Apan giklaru sa opisyal nga limitado gihapon ang ilang suplay nga ibaligya sa merkado ug tugutan lamang ang mga konsumante sa tig 5 kilo ang mahimung paliton matag adlaw tungod kay dili makig-kompetinsya ang NFA sa commercial rice.
Gigahin lamang ang bugas sa NFA alang sa marginalized sector nga maoy labing nag-antos sa paspas nga pagtaas sa presyo sa bugas sa merkado.
Dugang sa opisyal nga walay gahum ang NFA sa pagkontrol sa presyo sa commercial rice diha sa merkado.
Sent from my Samsung Galaxy smartphone.
