Supply sang paracetamol sa mga botika sa South Cotabato balik na sa normal nga sitwasyon.

Balik na sa normal ang sitwasyon sa supply sang paracetamol sa mga botika dire sa probinsya sang South Cotabato partikular na syudad sang Koronadal base sa ila nga monitoring, suno kay Department of Trade and Industry ukon DTI Provincial Director Rictoniel Reginio.
Ginpahayag ni Reginio nga madasig nga naubos ang supply sang nasambit nga produkto tungod posible madamo ang nagbalatian sang nagliligad nga sinemana kag resulta man sang pagpanic buying.
Ginkumpirmar niya man nga indi man tanan nga botika ang naubusan sang supply sang paracetamol dire sa probinsya kag wala man sang may nagbentaha tungod wala sang pagkambyo sa presyo sang nasambit nga produkto.