Magamay na lang ang supply sang pipila ka mga baraklon partikular na sa prime kag basic commodities kapareho sang sabon, de lata kag iban pa sa mga establishemento dire sa syudad sang Koronadal kag probinsya tungod sa volume nga pamakal sang mga local government units kag pagkadelatar abot sang mga stocks sang nasambit nga mga produkto bangud sa ginapatuman nga lockdown base sa ila nga monitoring suno kay Trade and Industry Development Specialist Ria Hallarsis sang Department of Trade and Industry South Cotabato.
Ginkumpirmar man ni Hallarsis nga nagpaggwa man sila sang kamanduan nga limitahan ang dapat lang nga ihatag sa mga bumalakal sa pipila ka mga produkto agud malikawan ang panic buying kag hoarding sa subong nga panahon sang krisis tungod sa paandam sang COVID-19.
Samtang sa subong suno pa wala man sila sang namonitor nga may-yara sang overpricing kag hoarding nga nagakatabo sa mga prime kag basic commodities sa probinsya.
Pagpang-awhag naman ni Hallarsis sa mga pumuluyo nga sundon lang ang ginapatuman nga polisiya sa subong sang gobyerno tungod sa paandam sang COVID-19.
