Posible magaumpisa na sa bulan sang Hulyo ang Provincial Veterinary Office sa pagpatigayon sang rabies vaccination sa mga ido dire sa probinsya sang South Cotabato kon magmaayo na ang sitwasyon sa tunga sang COVID-19 pandemic.
Apang suno kay Provincial Veterinarian Dr. Flora Bigot yara na lang sa 30 thousand ka mga ido ang target nila nga mabakunahan nga magamay kumparar sang nagligad nga tuig tungod sa limitado nga rabies vaccine.
Samtang prayoridad nila nga mabakunahan ang mga ido sa Upper Valley area kapareho sang Banga, Surallah kag Sto. Niño kag mangin libre sa gihapon suno pa ang rabies vaccination.
Ginkumpirmar man ni Dr. Bigot nga tungod sa COVID-19 pandemic naggamay ang kaso sang kagat sang ido sa probinsya kag ang nagalagaw nga mga stray dogs nga amo ang nagadala sang rabies.
Ginalauman naman nga matigayon na nga mabuksan sa bulan sang Hulyo ukon Agosto ang dog impounding facility sa banwa sang Surallah kag padayon naman nga ginahingyo sa mga pumuluyo nga mangin responsible pet owners.
