Surrendered NPA arms mas daghan

45

Davao City – Mas ubay-ubay ang mga gi-surrender nga armas sa New People’s Army kun NPA kun itandi sa ilang mga narekober atol sa mga nagapanghitabong engkwentro sa nagkadaiyang lugar sa Pilipinas.

Sa talaan sa otoridad, gikan Enero kutob Nobyembre ning tuiga adunay 360 high-powered firearms ang narekober gikan sa combat operations ug 745 ang maong gi-surrender sa mga NPA.

Gibatbat ni National Security Adviser Sec. *Hermogenes Esperon* Jr. atol sa Joint National Peace and Order Council-Regional Peace and Order Council (NPOC-RPOC) kagahapon nga daghan na usab ang mibalik sa sabakan sa gobyerno dala ang ilang mga armas gumikan usab sa kalisod sa ilang mga kinabuhi sulod sa maong grupo busa nakadesisyon sila nga mu-surrender.

Samtang gibutyag usab ni Department of Interior and Local Government (DILG) Secretary Eduardo Año nga angay pahimuslan ang programa sa gobyerno sama sa Enhance Comprehensive Local Integration Program kun E-CLIP diin aduna usab makuhang ganti ang mga misurrender sa ilang armas pinaagi sa firearms enumeration.

Busa giawhag sa kapulisan, kasundaluhan ug nagkadaiyang ahensya sa gobyerno ang mga anaa pa sa sakop sa pikas pundok nga musurrender na aron usab makaangkon og hamugaway nga kinabuhi.

Virgil James Claud, HCDC intern

Facebook Comments