*Girespeto sa Cagayan de Oro City Police Office kon COCPO ang gipagawas nga survey nga 54% matud pa sa mga Pinoy ang nagtuong hinimoan sa kapolisan ang pagkamatay sa mga napatay nga suspek sa illegal nga druga.*
*Kini ang gipahayag ni Police Chief Insp. Mardy Hortillosa, ang spokesperson sa COCPO.*
*Apan supak siya sa pamahayag nga hinimoan sa kapolisan ang mga nahitabong pagpatay, ngadto sa mga namatayng tigpayuhot sa illegal nga druga. *
*Gibutyag sa maong opisyal, nga kasagaran sa mga napatay nga suspek sa nasud ang misukol sa mga operatiba atol sa operasyon busa napugos ang pulis sa pagbalos batok kanila.*
*Gani, daghan na silang pulis ang namatay ug samaran atol sa operasyon, busa dili angay basulon ang mga pulis sa pagkamatay sa suspek sa illegal nga kalihokan. *
*Dugang pa niini, nga dili buang ang kapolisan nga magpasagad na lamang sa ilang kaugalingon ug dili usab sila buang, nga mohimo na lamang sa pagpusil sa ilang kaugalingon aron lamang motuo ang katawhan nga misukol sa pulis ang suspek.*
*By: RadyoMaN Ellah Baculio*
