General Santos City–Daku ang pagmahay nga gibati karon sa usa ka Jervie Sasil alyas Grebe, 23 anyos usa ka heavy equipment operator human nga masikop kini sa kapulisan nga sakop sa Police Station 3 sa ilahang gipahigayon nga buy-bust operation niadtong milabay nga adlaw sa usa ka lodging house nga nahimutang sa Lagao alas 2:00 ang takna sa kaadlawon.
Sumala pa sa suspect nga gisugo lang matud pa kini sa iyahang mga barkada nga mukuha ug iligal nga droga ug ni-extra nalang usab kini ug baligya apan wala siya kabantay nga police na ang iyang katransaksyon.
Dugang pa niini nga dugay na kining niundang ug gamitan ug iligal nga droga human nga napahimangnuan sa iyahang ginikanan apan niadtong milabay nga adlaw mihangyo lang kaniya ang iyahang mga higala nga siya papaliton ug iligal nga droga hinungdan nga iya kining gibuhat, apan gihingusgan nga dili siya ang mogamit niini.
Sa kasamtangan nagtingkagol ang nahisgutang suspect sa selda sa Police Station 3 samtang giandam na ang kasong pagsupak sa RA 9165 batok kaniya.(Dave Silagan)
