Nasikop sa manhunt operation sa kapolisan sa Gingoog City ang usa ka suspect sa kasong kidnapping sa usa ka batang bag-ong natawo pasado alas otso kagabi-e.
Matud ni Police Col. Ariel Philip Pontillas nga hepe sa Gingoog City Police Station nga ang suspect nga si Richard Torres Bernales, 20 anyos ug taga Barangay 19 sa Gingoog City.
Gibutyag ni Pontillas nga si Bernales usa ka bayot, ilang nadakpan sa iyang hide out sa barangay 19 sa Gingoog City.
Si Bernales ang gitudlo sa duha ka mga testigos nga maoy nagkidnap sa anak ni Marichu Villegas, mga alas singko sa buntag niadtong Agosto 31.
Human ang maong bata iyang gi-anak mga alas 8 sa gabie niadtong August 30 sulod sa Puericulture Medical Center sa Gingoog City.
Wala motug-an sa iyang motibo ang suspect sa iyang pagkidnap sa batang babaye ni Villegas.
Samtang, detinado na kini sa Gingoog City Police Station ug mag-atubang sa kasong kidnapping.
